သိသမျှ တွေးဆအဖြ (၉)

အမေး။ ။နန္ဒမင်းသားနဲ့ ဇနပဒကလျာဏီတို့ဟာ မိထွေးတော်ဂေါတမီက ဖွားတဲ့ ဖအေတူ မအေတူ မောင်နှမရင်းလို့ ဖတ်ရပါတယ်။ အိန္ဒိယမှာ ၀မ်းကွဲများ ဖတူ မိကွဲများ ရှေးက ပေးစားတတ်ပေမယ့် မိခင်တူရင် ရှောင်ကြပါတယ်။ မြတ်စွာဘုရားရဲ့ ညီတော်နဲ့ နှမတော်မှာ မိတူဖတူချင်း ဘာပြုလို့ လက်ထပ်ပေးရတာလဲဘုရား။ ။
အဖြေ။ ။ နန္ဒမင်းသားနဲ့ ဇနပဒကလျာဏီတို့ဟာ မောင်နှမအရင်းအချာကြီးဖြစ်ကြတာမှန်ပါတယ်၊ဒါပေမယ့် ဘာဖြစ်လို့ လက်ထပ်ပေးရလဲ ဆိုရင် သူတို့ဟာ သာကီဝင်မင်းမျိုးများဖြစ်တဲ့အတွက် ဖြစ်ပါတယ်။ သာကီဝင်မင်းမျုိးများဟာ အချင်းချင်းယူကြတဲ့စနစ်ကို ရှေးပဝေသဏီ ကတည်းက ကျင့်သုံးခဲ့ကြပါတယ်။ ရှင်းလင်းပါဦးမယ်။
သကျာသာကီဝင် ဖြစ်လာပုံအကြောင်း….

ဘုရားအလောင်းတော်ဟာ တစ်ခုသောဘ၀မှာ ချမ်းသောတဲ့ ပုဏ္ဏားမျိုးမှဆင်းသက်လာပြီး နာမည်က ကပိလ ဖြစ်ပါတယ်။ သူဌေးအဖြစ်ကို စွန့်လွတ်၍ ဟိမ၀န္တာတောင်နံပါး ကျွန်းသစ်တောကြီးအတွင်း ရေကန်တစ်ခုအနီးတွင် သစ်ရွက်မိုးကျောင်း ဆောက်ကာ ရသေ့ပြုပြီး နေပါတယ်။
တစ်နေ့တွင် ဥက္ကာမုခအမှူးရှိတဲ့ မင်းသားတို့ဟာ မြို့ရွာတည်ထောင်လိုကြတဲ့အတွက် မြို့နေရာကို လှည့်လည်ရှာဖွေကြရာ ဘုရားအလောင်းတော် ကပိလရသေ့ရဲ့ ကျောင်းသင်္ခမ်းသို့ ရောက်လာပါတယ်။ အဲဒီမှာ ရသေ့ကမေးတဲ့အတွက် မင်းသားများက မြို့တည်ထောင်ရန် မြို့နေရာကို ရှာနေကြပါကြောင်း လျှောက်ထားကြပါတယ်။ အလောင်းတော်ကပိလရသေ့ကလည်း မင်းသားတို့အပေါ်သနား လှတာကြောင့် …
“အသင်မင်းသားတို့.. ငါ့ရဲ့ ကျောင်းသင်္ခမ်းနေရာမှာ မြို့တည်ကြမယ်ဆိုပါရင် ဇမ္ဗူဒိပ်ကျွန်းအပြင်တွင် အမြတ်ဆုံး မြို့တစ်မြို့ ဖြစ်လိမ့် မယ်။ ဤမြို့တွင် ဖွားမြင်တဲ့ ယောက်ျားတို့တွင် တစ်ယောက်တစ်ယောက်သော ယောက်ျားဟာ တစ်ခြား၌ မွေးဖွားသော ယောက်ျား အရာအထောင်တို့ကို လွှမ်းမိုးပါလိမ့်မယ်” စသဖြင့် ဘုရားအလောင်းတော်ရသေ့ကပြောသောအခါ..မင်းသားများက “ အရှင်ရသေ့…သည်နေ ရာဟာ အရှင်ရသေ့ အသုံးပြုနေဆဲနေရာဖြစ်တယ် မဟုတ်လား” လို့ လျှောက်သောအခါ ကပိလရသေ့က “ မင်းသားတို့…သည်နေရာဟာ ငါအသုံးပြုနေဆဲဖြစ်တယ် ဆိုပြီး အတွေးအများကြနေနဲ့၊ ငါအတွက်က အစွန်အဖျား နေရာတစ်ခုမှာ ကျောင်းသင်္ခမ်းဆောက်လုပ်ပေးကြပါ၊ငါညွန် ပြတဲ့နေရာသာ မင်းသားတို့ မြို့တည်ဖို့ လုပ်ကြတော့ မြို့နာမည်ကိုလည်း ကပိလ၀တ္တုမြို့ လို့ အမည်ပေးကြပါ” လို့ ကပိလရသေ့ ကပြောပါတယ်။
ဥက္ကမုခမင်းသားအမှူးရှိမင်းသားလေးယောက်တို့ဟာ မှူးမတ်သေနာပတိများစွာတို့နှင့်အတူ ကပိလ၀တ္ထုအမည်ဖြင့် ရသေ့ညွန်ပြ သော နေရာတွင် မြို့တည်ကာ နေထိုင်ကြပါတယ်။ မင်းသားတို့လည်း အသက်ကြီးလို့ အိမ်ထောင်ပြုသင့်တဲ့ အရွယ်ရောက်လာသောအခါ မှူးမတ်အပေါင်းက “မင်းသားများနှင့်မင်းသမီးများလည်း အရွယ်ရောက်ကုန်ပြီ၊ အကယ်၍ ဥက္ကာကမင်းကြီး အနီးမှာ ရှိမယ်ဆိုရင် မင်းသားမင်းသမီးတို့အား ထိမ်းမြားလက်ထပ်ပေးမည်မှာ အမှန်ဖြစ်တယ်၊ ယခုတော့ ငါတို့တာဝန်ဖြစ်ခဲ့ပြီ” ဟု တွေးပြီး မင်းသားတို့အား ထိုအကြောင်းကို လျှောက်ထားကြပါတယ်။ မင်းသားများက..
“အမတ်တို့..သည်အရပ်မှာ ငါတို့နှင့်အမျိုးနွယ်တူတဲ့ မင်းသမီးများ မရှိဘူး၊ နှမတော်များနှင့်အမျိုးနွယ်တူတဲ့ မင်းသားများလည်း မရှိကြ၊ အမျိုးနွယ်ဇတ်မတူတာချင်း အိမ်ထောင်ဖက်ကြမယ်ဆိုရင် ငါတို့မှာ ဖွားမြင်လာတဲ့ သားသမီးများဟာ အမျိုးဇတ်ပျက်ပြီး မသန့်ရှင်းဖြစ်ကြလိမ့်မယ်။ တစ်ခြားအမျိုးဇတ်တွေလည်း ၀င်ရောကုန်လိမ့်မယ်။ဒါကြောင့် အစ်မကြီးပိယကို အမိအရာတင်မြှောက်ပြီး၊ ကျန်တဲ့ ငါတို့ မောင်လေးယောက်နှင့် နှမလေးယောက်တို့ အမျိုးအနွယ်ဇတ်ပျက်ပြားမှုမှ ကာကွယ်ရန် ငါတို့မောင်နှမအချင်းချင်း အိမ်ထောင်ဖက်ကြကုန်စို့” လို့ တိုင်ပင်ကာ အချင်းချင်း ထိမ်းမြားလက်ထပ်ကာ ကပိလ၀တ္ထုမြို့မှာပဲ နေထိုင်လာခဲ့ကြပါတယ်။
ထိုသို့နေထိုင်လာရာက မင်းသားမင်းသမီးအစုံအစုံတို့မှာ ဖွားမြင်တဲ့ သားသမီးတို့ဖြင့် ပျော်ရွှင်စွာနေထိုင်ခဲ့ကြပါတယ်။ အခြားအမျိုးတို့ နှင့် မရောယှက်ဘဲ အချင်းချင်း အိမ်ထောဖက်ကြကာ ကြီးပွားတိုးတက်နေတာကို ခမည်းတော်ကြီး ဥက္ကာကမင်းကြီးကြားတော်မူသောအခါ ..
ပရမာ သကျာ ၀တ ဘော ကုမာရော = အို…အမောင်တို့ ငါ့သားတော်သမီးတော်တွေဟာ လွန်ကဲမြင့်မြတ်ကာ စွမ်းနိုင်ကြပါပေစွတကား လို့ ဥက္ကာကမင်းကြီးက ချီးကြူးစကား ပြောခဲ့ပါတယ်။ ထိုချီးကျူးစကား၌ သကျ =စွမ်းဆောင်နိုင်ခြင်း ဆိုတဲ့ အနက်ကို အစွဲပြု၍ ဥက္ကာမုခစတဲ့ မင်းသားမင်းသမီး မျိုးနွယ်စုတိုကို သကျ =သာကီယ =သာကီဝင် =သာကီမျိုး = သာကီနွယ် လို့ ခေါ်တွင် မှတ်သား ထင်ရှားခဲ့ပါတော့တယ်။
အချူပ်ဆိုရသော သာကီဝင်မင်းအမျိုးသည် ယခုမှာ အချင်းချင်းလက်ထပ်ခဲ့သည်မဟုတ် ၊ ရှေးပဝေသဏီကတည်းက အချင်းချင်းလက်ထပ်ခဲ့ကြပါတယ်ဆိုကို ဖြေကြားပေးလိုက်ပါတယ်။

အမေး။ ။ စာရေးဆရာကြီးတစ်ဦးရဲ့ အဆိုဖြစ်တဲ့ သောတာပန်ဟာ အရက်သောက်ရင် ကြိုးကြာရေသောက်သလို ရေသာဝင်တယ်၊ အရက်မ၀င်ဘူး ဆိုတာကို သိလိုပါတယ်ဘုရား။ ။
အဖြေ။ ။ စာရေးဆရာကြီး ရေးသားချက်အရ သောတာပန်ဟာ အရက်သောက်သေးသတဲ့ ဆိုတာ မဟုတ်ပါ။ ဘာ့ကြောင့်နည်း..သောတာပန် ပုဂ္ဂိုလ်ဟာ သာမာန်လိုမဟုတ်တော့၊ ရတနာသုံးပါး၌ ချွင်းချက်မရှိ ယုံကြည်မှုအပြည့်ရှိသလို၊ ငါးပါးသီလကိုလည်း သီးသန့်ဆောက်တည်နေစရာ မလိုတော့ဘဲ လုံခြုံပြီးသား ဖြစ်ပါတယ်။ သို့မဟုတ် “အရက်မသောက်က သတ်ပစ်မယ်” လို့ ခြိမ်းခြောက်ကာ အရက်ကို အတင်းတိုက်ဦးတော့ ၊ အသက်သာအသေခံမယ် သီလအပျက်မခံတော့တာ ဟာ သောတာပန်အရိယာများရဲ့ သဘာဝပါ။ သည်နေရာတွင် အလျဉ်းသင့်၍ မဟာစည်ဆရာတော်ဘုရားကြီးရဲ့ အရိယာဝါသတရားတော်ထဲက ကောက်နှုတ်တင်ပြလိုက်ပါတယ်။
ခုနပြောတဲ့စာရေးဆရာကြီးက “ သောတာပန်ဟာ အရက်သေစာသောက်သည်အထိ ငါးပါးသီလ ကျုးလွန်နိုင်သေးတယ်” လို့ပြောထား ပါတယ်။ သူဟာ လူတွေရဲ့ စိတ်ဓါတ်ကို လေ့လာခဲ့တာ ကြာပါပြီတဲ့၊ အဲဒီလို လေ့လာပြီးဖြစ်တဲ့အတွက် သူက ဒီလို ရဲရဲရင့်ရင့် ဆိုနိုင်ပါသတဲ့။ သူ့စိတ်သူ လေ့လာတာ ဖြစ်မှာပေါ့။ သူက သူ့ကိုယ်သူ သောတာပန်လို့ ယူဆထားဟန်တူပါတယ်။ ပြီးတော့ သူက အရက်ကိုလည်း ကြိုက်တတ်တယ် လို့ သတင်းကြားရတယ်။ ဒါကြောင့် သူ့စိတ်နှင့်နှိုင်းပြီး ဆုံးဖြတ်လိုက်ဟန် တူပါတယ်။ ဒါလည်း အံ့သြစရာပဲ၊ ကိုယ်နဲ့နှိုင်း မရိုင်းဘူးဆိုတဲ့ မြန်မာစကားပုံဟာ အဆင့်အတန်းတူတဲ့ သူအချင်းချင်းသာ သုံးစွဲရမည့်စကားပုံဖြစ်ပါတယ်။
အဆင့်အတန်း မတူရာမှာ ကိုယ်နဲ့နှိုင်းရင် အလွန်ပင် ရိုင်းပါတယ်။ စဉ်းစားကြည့်ပါ၊ ဂဏန်းသင်္ချာကို မသင်ဖူးတဲ့ လူတစ်ယောက်က ဂဏန်းအရာမှာ ပါရဂူမြောက် တတ်မြောက်နေတဲ့လူကို ဂဏန်းသင်္ချာနဲ့စပ်ပြီး ငါလိုပဲလို့ ကိုယ်နဲ့နှိုင်းရင် အများကြီး လွဲမှားမယ်။ အများကြီးရိုင်းမယ်ဆိုတာကို သိနိုင်ပါတယ်။ အဲဒါလိုပဲ ပုထုဇဉ်ပုဂ္ဂိုလ်က ကိုယ့်စိတ်နဲ့နှိုင်းပြီး သောတာပန်ကို ဆုံးဖြတ်လျှင် အလွန်ရိုင်းပြီး အလွန်လွဲမှားတတ်ပါတယ်။
အမှန်မှာတော့ သောတာပန်အစစ် တကယ်ဖြစ်နေတဲ့ ပုဂ္ဂိုလ်မှာ သတိကလေးက အတော်လေးကောင်းနေပြီ။ ဒါကြောင့် ရုတ်တရက် လောဘဖြစ်လာတယ်ဆိုရင် အဲဒီ သတိကလေးက သူ့အလိုလို ဖြစ်ပေါ်လာပြီးတော့ ထိန်းထားလိုက်တယ်၊ ဒီလို သတိက အုပ်ထိန်းလိုက်တဲ့ အတွက် လောဘဟာ အရှိန်ပျက်သွားပါတယ်။ အကြီးအကျယ် မဖြစ်ရတော့ဘူး၊ ဒေါသဖြစ်လာရင်လည်း သတိက နည်းတူပဲ အုပ်ထိန်းလိုက်တာပဲ။ ဒါကြောင့် အကုသိုလ်တရားတွေဟာ အလွန်အကဲ အကြီးအကျယ် မဖြစ်ပွားရတော့ဘူး။ သီလသိက္ခာပုဒ်တွေကို ကျူးလွန်နိုင်လောက်အောင် ပြင်းပြင်းထန်ထန် မဖြစ်ရတော့ဘူး။ ဒါကြောင့် သောတာပန်မှာ အပါယ်လားကြောင်း အကုသိုလ်တွေလည်း ငြိမ်းတယ်။ အပါယ်လေးပါးမှလည်း လွတ်တယ်လုိ့ ယုံကြည်စိတ်ချရတာ၊ ဒါတွေဟာ သတိကလေး ကောင်းနေခြင်းရဲ့ အကျိုးတွေပါပဲ။
ဒါဟာ သောတာပန်များရဲ့ ပင်ကိုယ်သဘာဝပဲ ဖြစ်ပါတယ်။ ဒါကြောင့် သောတာပန်များ ဟာ အရက်တိုက်ရင် ရေသာဝင်တယ် အရက်မ၀င်ဘူးဆိုတဲ့ စကားအရ လုံးဝမဖြစ်နိုင်ပါဘူး လို့ ဖြေကြားပေးလိုက်ပါတယ်။
အမေး။ ။ ကောသလမင်းကြီးရဲ့ မိဖုရားကြီးဖြစ်တဲ့ မလ္လိကာဟာ ပြုမိခဲ့တဲ့အမှားကို ကျုးလွန်ခဲတာ မှန်ရင်တောင် ပြန်သတိရပြီး စိတ်မချမ်းသာ ဖြစ်နေခြင်းဟာ ကုက္ကစ္စ ကိလေသာ သာဖြစ်တဲ့အတွက် ငရဲကျနိုင်လောက်အောင် အကျိုးမပေးပါ။ နတ်ပြည် မရောက်မီ အ၀ီစိငရဲကို ခုနှစ်ရက် ကျရတာ ဘာကြောင့်ဆိုတာ သိလိုပါတယ်ဘုရား။ ။
အဖြေ။ ။ ကောသလမင်းကြီးရဲ့ မိဖုရားကြီး မလ္လိကာဟာ သူပြုခဲ့တဲ့ အကုသိုလ်ကံကြောင့် (သာ မရဏကာလေ ဧ၀ရူပံ မဟာပရိစ္စာဂံ နာနုဿရိတွာ တဒေ၀ ပါပကမ္မံ အနုဿရန္တီ ကာလံ ကတွာ အ၀ီစိမှိ နိဗ္ဗတ္တိ) ဟု ဓမ္မပဒအဋ္ဌကထာအရ- သေခါနီးအချိန်တွင် ကျန်းမာစဉ်က ပြုလုပ်ခဲ့တဲ့ ကြီးစွာသော အလှူဒါနကို အမှတ်မရနိုင်ဘဲ သူပြုခဲ့တဲ့မကောင်းမှုကံကို အဖန်ဖန်အထပ်ထပ် အမှတ်ရနေသောကြောင့် သေသောအခါ အ၀ီစိငရဲမှာ ဖြစ်ရပါတယ် လို့ ဆိုထားပါတယ်။ ထိုအဆိုအရ သူပြုခဲ့တဲ့မကောင်းမှုကို အမှတ်ရပြီး နှလုံးမသာ ပူပန်စိတ်တွေဖြစ်နေတယ် ထင်ရှားပါတယ်။
သေခါနီး ပူပန်တဲ့စိတ်ဆိုတာ မေးခွန်းရှင်ပြောသလို ကုက္ကုစ္စ လို့ခေါ်နိုင်ပါတယ်။ အဘိဓမ္မာလက်သန်းအဋ္ဌကထာလာအတိုင်း ပြောရရင် ဒေါသစိတ်မှာ ဒေါသ ဣဿာ မစ္ဆရိယ ကုက္ကုစ္စ စေတသိက်များ ယှဉ်ပါတယ်၊ သည်စေတသိက် လေးမျိုးဟာ ဒေါသရဲ့ မူပိုင်စေတသိက်လို့လည်း ခေါ်ပါတယ်။ ဒါကြောင့် ကုက္ကုစ္စဟာ ဒေါသနှင့်ဆွေမျိုးတော်ပါတယ်။ တဖန် နှလုံးမသာမှုဆိုတာကလည်း ဒေါသပါပဲ၊ ဒါကြောင် ဒေါသနှင့်သေ ငရဲပြည် မသွေလားရတယ် ဆိုတဲ့အတိုင်း မလ္လိကာသေတော့ အ၀ီစိငရဲမှာ ခုနှစ်ရက်ခံရပါတယ်။ ခံရပြီးနောက် သူပြုခဲ့တဲ့ကုသိုလ်အရှိန်အဟုန်ကများလှသောကြောင့် အ၀ီစိငရဲမှာ ခုနှစ်ရက်ခံရပြီးတာနဲ့ တုသိတာနတ်ပြည်မှာ ဖြစ်ရပါတယ် ဆိုတဲ့အကြောင်း ဖြေကြားပေးလိုက်ရပါတယ်။ ။
အမေး။ ။အရှင်ဘုရား….ပစ္ဆိမသာဝကဖြစ်တဲ့ သုဘဒ္ဒဟာ တချို့ကလည်း စာပါနှင့်ဥပကသား ဆိုတယ်။ တချို့ကလည်း ဗြဟ္မဏအနွယ် ဆိုတယ်။ ဘယ်ဟာက မှန်ပါသလဲဘုရား…..လို့ အင်္ဂလန်မှ Dr. ဦးတင့်က မေးထားပါတယ်။
အဖြေ။ ။ သည်မေးခွန်းက ဘုန်းကြီးထံ ရောက်နေတာ ကြာပါပြီ၊ အခုမှ ပြန်လည်ဖြေကြားပေးလိုက်ရပါတယ်။
နောက်ဆုံး ပစ္ဆိမသာဝကဖြစ်တဲ့ သုဘဒ္ဒ ဟာ စာပါတို့ရဲ့သား သုဘဒ္ဒလည်း မဟုတ်။ မြတ်စွာဘုရား ပရိနိဗ္ဗာန်စံတော်မူပြီးနောက် အရှင်မဟာကဿပမထရ်မြတ်ကြီး ပါဝါပြည်မှ ကုသိနာရုံပြည်သို့ ရဟန်းများစွာနဲ့ ကြွရောက်လာတဲ့အခါ နောက်ပါရဟန်းတို့အထဲမှ “ မြတ်စွာ ဘုရား ပရိနိဗ္ဗာန်စံပြီဖြစ်တဲ့အတွက် ငါတို့ပြုလုပ်လိုရာ လွတ်လွတ်လပ်လပ် ပြုလုပ်ရပေတော့မယ်” လို့ ရိုင်းပြရင့်သီးတဲ့စကား ပြောကြားတဲ့ တောထွက် သုဘဒ္ဒ ရဟန်းကြီးလည်း မဟုတ်ပါ။ အမှန်စင်စစ် ယခုပစ္ဆိမသာဝကဖြစ်တဲ့ သုဘဒ္ဒပုရိဗိုဇ်ဟာ အလွန်ထင်ရှားတဲ့ ပုဏ္ဏားသူဌေးမျိုးမှ ပုရိဗိုဇ် ရဟန်းပြုတဲ့ မြတ်စွာဘုရားရဲ့ နောက်ဆုံး ဝေနေယျလို့ ပြောနိုင်တဲ့ အ၀တ်ဝတ်တဲ့ ပရိဗိုဇ် ရဟန်းတစ်ဦးဖြစ်ပါတယ် ဆိုတာ ဖြေကြားပေးလိုက်ပါတယ်…..ဒေါက်တာကြီးရေ….။ ။