စိတ်ထားမြင့်မြတ်ကြပါစေ

စိတ္တေနေ နီယတိ လောကော....လောကဟုဆိုအပ်သော သတ္တ၀ါများကို စိတ်တရားက ဦးဆောင်နေပါသည်……. လောကလူသားများအားလုံးသည် စိတ်ကခိုင်းစေရာသို့၊ စိတ်၏ဆွဲခေါ်ရာသို့ လိုက်ပါနေကြရပေသည်၊ မိမိအား ကောင်းသည့်ဘက်သို့ စိတ်က ဆွဲခေါ်သောအခါ အကောင်းဘက်သို့ရောက်သွားသကဲ့သို့ အဆိုးဘက်သို့ ဆွဲခေါ်လျှင်လည်း အဆိုးဘက်သို့ ရောက်သွားရပေသည်၊ ဤသို့ မိမိအား ကောင်းဆိုးနှစ်တန်သို့ ဆွဲခေါ်ခံရသည်များအနက် အကောင်းဘက်သို့ ဆွဲခေါ်သည်ကနည်းပြီး အဆိုးဘက်သို့ ဆွဲခေါ်သည်က များလှပါသည်၊ ထို့ကြောင့်လည်း အလုံးစုံသိတော်မူသော မြတ်ဗုဒ္ဓက ပါပ့ါ သ္မိံ ရမတိ မနော ဟု ဟောတော်မူခဲ့သည် မဟုတ်ပါလော။

အရည်အသွေးကျနေသော ကွန်ပျူတာတစ်လုံးသည် တန်ဖိုးနည်းပါးလွန်းလှသကဲ့သို့ စိတ်ထားညံ့ဖျင်းမှု၊ကိုယ်ချင်းစာနာ တရားနည်းပါးမှု၊ ခေါင်းပါးသော သနားကြင်နာမှု၊ ကိုယ့်ထက်သာမနာလိုမှု၊ ၀န်တိုမှု၊ ငြူစူစောင်းမြောင်းမှု၊ ပူပန်မှု၊ပျံ့လွင့်မှု၊ အမှန်တရားကိုယုံမှားသံသယဖြစ်မှု စသည့် အရည်အသွေးညံ့ဖျင်းသော စိတ်ထားပိုင်ရှင်တို့သည်လည်း တန်ဖိုးနည်းလွန်းလှပေသည်၊ လောကတွင် “စိတ်ထားတတ်က မြတ်၏” ဟူသည့်အတိုင်း စိတ်ထားတတ်ရန် အလွန်အရေးကြီးလှပေသည်၊ စိတ်အကြောင်းကို ကောင်းစွာနားလည်တော်မူကြသော ရှေးသူတော်ကောင်းကြီးများ၏ စံနှုန်းကို မမီနိုင်သော်လည်း ထိုသူတော်ကောင်းကြီးများကဲ့သို့ ရာနှုန်းပြည့် မဟုတ်တောင်မှ စွမ်းနိုင်သမျှ အတုယူကာ ကျင့်သုံးကြရပေမည်။
လူဆိုသည်မှာ အခက်သား၊ ကိုယ့်ကိုယ်ကို အဆင်ပြေအောင် နေရမည့်အစား သူတစ်ပါး၏ အခြေအနေကို မသိပါဘဲနှင့် တစ်ဖက်သားကို အပြစ်ပြောရန်သာ အားနည်းချက်ကို စောင့်နေကြပေသည်။ စာရေးသူသည် ယခုခေတ်နှင့်လျော်သည်ဟု ဆိုရမည့် အင်တာနက် ကို သာသနာအတွက် အထိုက်အလျောက် အသုံးချဖြစ်ခဲ့ပေသည်၊ အသုံချနိုင်အောင်လည်း ကြိုးစားခဲ့ရပေသည်၊ ကြိုးစားခဲ့သည့်အတိုင်းလည်း အသင့်အတင့် အောင်မြင်မှုလေးတွေ ရရှိခဲ့သည်ဟု ဆိုရပေမည်၊ ရေးသားပြီးခဲ့သော ဘာသာရေးဆောင်းပါး ဓမ္မရသဆောင်းပါးများကို အင်တာနက် ဘလော့ဂ်တွင် မကြာခဏဆိုသကဲ့သို့ ပို့စ်များကို တင်နိုင်ခဲ့သည့်အပြင် ဘလော့ဂ်ကိုလည်း update မကြာကြာလုပ်နိုင်သည့် အတွက် ကမ္ဘာ့နိုင်ငံအသီးသီးက စာဖတ်သူများ ၀င်ရောက်ဖတ်ရှုနေကြကြောင်းကို google.analytics.com တွင် မိမိ Account ဖြင့် registeration ပြုလုပ်ပြီးကြည့်ရှုလျှင် သိရှိနိုင်ပေသည်။
အင်တာနက်အကြောင်းကို အရင်းကျကျမသိ၊ သူတစ်ပါးသုံးသည်ကိုလည်း မရှုစိမ့်သည့်သဘောဖြင့် “အင်တာနက်ဆိုတာ ရဟန်းသံဃာများနှင့်လားလားမျှ မပတ်သက်၊ မကောင်းသည့်အရာများ ရှိနေတဲ့အတွက် ရဟန်းများ အင်တာနက်ကို မကြည့်သင့်” ဟု လူများသာမက အချို့သောရဟန်းများကပါ အပြစ်မြင်ကာ ပြောဆိုနေကြပေသည်၊ လူ့ဝန်းကျင်တွင် လူသားများ လျှောက်လှမ်းနိုင်သည့် အကောင်း/အဆိုး လမ်းမျိုးစုံရှိသည့်အနက် မှန်ကန်သော လမ်းကြောင်းကို လျှောက်လှမ်းရန်သာဖြစ်သည်၊ အင်တာနက်တွင် လျှောက်လှမ်းနိုင်သည့် လမ်းများစွာရှိသည့်အနက် မိမိလျှောက်လှမ်းရမည့် လမ်းကြောင်းမှန်ကန်ရေးသာ အဓိကဖြစ်ပေသည်။
တစ်ခါက “ ကိုယ်တော်တို့……ဘာသာစကားကျွမ်းကျင်အောင် လေ့လာထားရမယ်၊ ဘာသာစကား ၊စာပေများ တတ်ကျွမ်းထားမှသာ အင်တာနက်ကို အသုံးပြုပြီး ကမ္ဘာကို သာသနာပြုနိုင်ကြမှာဖြစ်တယ်၊ နိုင်ငံတကာကို သွားပြီး သာသနာပြုရတာ လေယဉ်ခတွေလည်းကုန်၊ သွားလာရတဲ့အချိန်တွေလည်းကုန်တယ်၊ အခုတော့ အင်တာနက်သုံးတတ်ပြီဆိုလျှင် ဟိုဟိုဒီဒီသွားစရာမလိုတော့၊ အခန်းထဲကနေ ကမ္ဘာပတ်ကာ အချိန်တိုအတွင်း သာသနာပြုနိုင်ကြပြီ” ဟု သီတဂူဆရာတော်ကြီး၏ မိန့်မှာတော်မူချက်ကို ထောက်ရှုလျှက် ဘုန်းကြီးနှင့်အင်တာနက် အမြင်ခက်နေသူ ယနေ့ခေတ် လူသားများအတွက် အလျဉ်းသင့်၍ တင်ပြပေးလိုက်ရပါသည်။
မည်သို့ပင်ဖြစ်စေ လူဆိုသည်မှာ ပတ်ဝန်းကျင်နှင့်နေရသူများဖြစ်၍ ပတ်ဝန်းကျင်၏ တိုက်ခိုက်မှု လောကဓံတရားမှာ အထိုက်အလျောက်တော့ ရှိချေမည်၊ ထိုတိုက်ခိုက်မှုကို မှန်သည်မှားသည်ဟု တုံ့ပြန်မှုမပေးဘဲ် “သူတို့ မသိလို့ ပြောကြတာပဲလေ အချိန်တန်ရင် သိလာပါလိမ့်မယ်” ဟု နားလည်ခွင့်လွတ်ပေးခဲ့ပါသည်။ ထို့အတူ လူသားအားလုံးသည် မိမိစိတ်ကို ကောင်းသည့်ဘက်တွင် ထားနိုင်အောင် အထူးကြိုးစားရပေမည်။
ပြောလိုသည်မှာ ဆန့်ကျင့်ဘက် ပြုလာသော သူများကို မည်သို့မည်ပုံ ဝေဖန်ရေးပြုလုပ်နေမည့်အစား ကိုယ့်စိတ်ကိုကိုယ် ဝေဖန်ရေး မပြတ်လုပ်ပေးမည်ဆိုပါက ကောင်းသော လုပ်ရပ်တစ်ခု ဖြစ်လိမ့်မည် ဟုထင်ပါသည်။
ထိုအကြောင်းနှင့်ပတ်သက်၍ ယခုခေတ်လူငယ်လူရွယ်အသီးသီးတို့ လိုက်နာအတုယူနိုင်ရန်အတွက် ဘုရားရှင်လက်တော်က အခြေအနေလေးတစ်ခုကို တင်ပြလိုပါသည်။
တစ်ခါက မြတ်ဗုဒ္ဓ၏ လက်ယာတော်ရံဖြစ်သည့် အရှင်သာရိပုတ္တရာနှင့်လက်ဝဲတော်ရံ အရှင်မဟာမောဂ္ဂလန် မဟာထေရ်မြတ်တို့သည် မြတ်စွာဘုရားထံတွင် ခွင့်ပန် လျှောက်ထားကြပြီး ဒေသစာရီလှည့်လည် ကြွတော်မူခဲ့ကြပါသည်။ ထိုတွင် အရှင်သာရိပုတ္တရာ၏ နောက်ပါးက လိုက်တော်မူကြသော သံယာအရေအတွက် အလွန်များသည့် မြင်ကွင်းကို တွေ့မြင်ရသော ရဟန်းတစ်ပါးက မနာလို စိတ်များ ဖြစ်၍ နေပါတော့သည်၊ သို့နှင့် ဒေသစာရီကြွချီမှုကို အနှောက်အယှက်ဖြစ်စေရန် ထိုရဟန်းသည် မြတ်စွာဘုရားထံ လာရောက်ပြီး အရှင်သာရိပုတ္တရာ၏ သင်္ကန်းအစွန်းနှင့် မတော်တဆ ထိသွားသည်ကို အကြောင်းပြုပြီး အရှင်သာရိပုတ္တရာအား ထိခိုက်နစ်နာစေရန် စွပ်စွဲလျှောက်ထားလေတော့သည်။
မြတ်စွာဘုရားသည် ထိုအဖြစ်မှန်အလုံးစုံကို သိတော်မူသော်လည်း ပြဿနာဖြေရှင်းသွားစေရန် ရည်ရွယ်လျှက် ဒေသစာရီခရီးကြွချီတော်မူသော အရှင်သာရိပုတ္တအား လိုက်လံ၍ ခေါ်ဆောင်စေခဲ့ပါသည်၊ မြတ်စွာဘုရားသည် ထိုအကြောင်းကို မေးသောအခါ အရှင်သာရိပုတ္တရာ၏ ဖြေကြားချက်ကား…..
ကာယဂတာသတိမထင်သော သူဖြစ်ခဲ့လျှင် သီတင်းသုံးဖေါ်အား ကိုယ်စောင်းတိုက်သွားသော်လည်း ပြန်လည်တောင်းပန်ခြင်း မရှိဟူသည်ကား ဖြစ်နိုင်ဖွယ်ရာရှိပါသည်၊ တပည့်တော်သည် တပည့်တော်၏ ရုပ်အပေါင်းကို မြေကြီး သဖွယ် နှလုံးသွင်းပါသည်ဘုရား ဟု လျှောက်ထားပါသည်၊ ဆိုလိုသည်မှာ…….
မြေကြီးပေါ်တွင် စင်ကြယ်သည်များနှင့် ဆက်ဆုပ်ဖွယ်ရာများပါ မကျန် တံတွေး ၊ နှံ့၊ သွေးသလိပ်၊ ပြေပုပ် ၊ကျင်ကြီးကျင်ငယ်၊ စသည့် မကောင်းသည့် အညစ်အကြေးများကို ပစ်ချကြပါသည်၊ ထိုသို့ ပစ်ချခံရပါသော်လည်း မြေကြီးသည် ညည်းငြူခြင်း၊ စက်ဆုပ်ခြင်းများ မရှိ၊ လက်ခံနေပေသည်၊ ထို့အတူ တပည့်တော်သည် မိမိကိုယ်ကို မြေကြီးကဲ့သို့ သဘောထားပါသည်ဘုရား၊ လူများက ကောင်းသောအရာကို ပြောလာသည်ဖြစ်စေ၊ မကောင်းသောအရာကို ပြောလာသည်ဖြစ်စေ မြေကြီးကဲ့သို့ သည်းခံနေပါသည်ဘုရား။
ထိုအချက်ကို ရှုမြင်၍ အကောင်းမြင်ဝါဒဖြင့် ပြောလာသော် မြောက်ကြွမှုမရှိစေဘဲ် အဆိုးမြင်ဝါဒဖြင့် ပြောဆိုလာသောအခါတွင်လည်း စွမ်းအားရှိသမျှ သည်းခံမှုပေးရမည်ဖြစ်ပေသည်။
ဒုတိယအချက် စိတ်အနေအထားမှာ….
အညစ်အကြေးများကို ရေထဲသို့ ပစ်ချကြသောအခါ ရေသည် အညစ်အကြေးများ လာပစ်ချသော်လည်း မည်သို့မျှ ညည်းငြူခြင်း၊ စက်ဆုပ်ခြင်း မရှိပေ၊ တပည့်တော်၏ စိတ်သည်လည်း ထိုရေဥပမာကဲ့သို့ သဘောထားပါသည်ဘုရား။
တတိယအချက် စိတ်အနေအထားမှာ……..
လောကရှိ လေသည် ကောင်းသောအရာကို တိုက်ခတ်ရသကဲ့သို့ အညစ်အကြေးများကိုလည်း တိုက်ခတ်ရပေသည်၊ ထိုသို့တိုက်ခတ် ပေးရစဉ် လေသည် အကောင်းကို တိုက်ခတ်ရ၍ မွေ့လျော်ပျော်ပိုက်မှု မရှိသည့်အပြင် အညစ်အကြေးကို တိုက်ခိုက်ရ၍လည်း ညည်းငြူခြင်း၊စက်ရှုပ်ခြင်း အလျင်းမရှိပေ၊ ထို့အတူ ပတ်ဝန်းကျင်မှ မည်သို့ပင် ပြောဆိုစေလာစေကာမူ မည်သို့မျှ တုံ့ပြန်ခြင်းအလျင်းမရှိဘဲ၊ တပည့်တော်စိတ်ကို လေဥပမာကဲ့သို့ သဘောထားနေပါသည်ဘုရား။
စတုတ္ထအချက် စိတ်အနေအထားမှာ………
မီးသည် ညစ်ပေသော အမှိုက်သရိုက်များကို လောင်ကျွမ်းပေးရသကဲ့သို့ တစ်ခြားအရာမျိုးစုံကိုလည်း လောင်ကျွမ်းပေးရပါသည်၊ ထိုသို့ လောင်ကျွမ်းပေးရစဉ် မီးသည် အကောင်းကို လောင်ကျွမ်းရ၍ မွေ့လျော်ပျော်ပိုက်မှု မရှိပေ၊ ညစ်ပေသည့်အမှိုက်များကို လောင်ကျွမ်းပေးရ၍လည်း ညည်းငြူခြင်း ၊ စက်ဆုပ်ခြင်း အလျင်း မရှိပေ၊ ထို့အတူ တပည့်၏ စိတ်သည်လည်း ပတ်ဝန်းကျင်မှ မည်သို့ပင် ပြောဆိုလာစေကာမူ မည်သို့မျှ မွေ့လျော်မှု ၊ညည်းငြူမှု၊စက်ဆုပ်မှု မရှိဘဲ မီးကဲ့သို့ စိတ်သဘောထားနေပါသည်ဘုရား။
ပဉ္စမအချက် စိတ်အနေအထားမှာ……
ခြေသုတ်သည့်ပုဆိုး (အပိုင်း)သည် လူအများ၏ ခြေတွင်ပေကျန်နေသည့် အညစ်အကြေးများကို စင်ကြယ်စေရန် သူ့အပေါ် တက်ရောက် အနင်းခံ၍ လူတိုင်း၏ ခြေသုတ်ခြင်းကို ခံရပေသည်၊ ထိုသို့ ခြေအသုတ်ခံရသော်လည်း ခြေသုတ်ပုဆိုး(အပိုင်း)မှာမူ စိတ်ပျက်ခြင်း၊ အားငယ်ခြင်း၊ ခံပြင်းခြင်း၊ အညိုးမပြေတေးမှတ်ခြင်း၊ ညည်းငြူခြင်း၊ စက်ဆုပ်ခြင်း အလျင်းမရှိပေ၊ ထို့အတူ တပည့်တော်၏ စိတ်သည်လည်း ပတ်ဝန်းကျင်မှ မည်သို့ပင် ပြောဆိုပုတ်ခတ်လာစေကာမူ အဆိုးအကောင်းကို မည်သို့မျှ တုန့်ပြန်မှုမရှိဘဲ ခြေသုတ်ပုဆိုးကဲ့သို့ သဘောထားနေပါသည်ဘုရား။
ဆဋ္ဌမအချက်စိတ်အနေအထားမှာ…….
ဇာတ်နိမ့်သည့် စဏ္ဍာလအမျိုးသားငယ်၊အမျိုးသမီးငယ်ကဲ့သို့ သဘောထားရပါသည်ဘုရား……..
ယခင်က အိန္ဒိယ နိုင်ငံတွင် ဇာတ်နိမ့် ဇာတ်မြင့်ကို အလွန်ခွဲခြားကြသည်၊ ဇာတ်နိမ့်သည့် စဏ္ဍာလအမျိုးက ဇာတ်မြင့်သည့် ဗြာဟ္မဏအမျိုး၏ ခန္ဓာကိုယ်ကို မထိရပေ၊ ထို့ကြောင့် ဇာတ်နိမ့်သူက ဇာတ်မြင့်သူတို့၏ ရွာကိုဝင်လျှင် တုတ်ချောင်းငယ်တစ်ခုဖြင့် ရိုက်ခတ်တီးသွားရပါသည်၊ အကြောင်းကား ဇာတ်မြင့်သူ ဗြဟ္မဏအမျိုးများ၏ အသားကို ထိမိမည်စိုးသဖြင့် ကျွန်တော်တို့သည် ဇာတ်နိမ့်များဖြစ်ပါသောကြောင့် သင်တို့အား ထိမိမည် စိုးသောကြောင့် ငါတို့ကို ရှောင်ကြဉ်ကြပါ ဟု ဇာတ်နိမ့်သူများက မိမိကိုယ်ကို နှိမ်ချ၍ အသိပေးကာ ရွာထဲဝင်ရပေသည်၊ ထိုဇာတ်နိမ့်သူများသည် မိမိကိုယ်ကို နှိမ်ချသကဲ့သို့ တပည့်တော်၏စိတ်ကိုလည်း နှိမ်ချထားပါသည်ဘုရား………တဲ့။
(အရှင်သာရပုတ္တရာ၏ဂုဏ်အဆင့်အတန်းကား သာသနာတွင် မြတ်စွာဘုရားပြီးလျှင် သူပဲဖြစ်ချေ၏ ဤမျှလောက် အဆင့်အတန်းမြင့်မားသာလွန်ပါသော်လည်း စဏ္ဍာလအမျိုးကဲ့သို့ နှိမ်ချသော စိတ်နေစိတ်ထားဖြင့် လူများအပေါ် တွင် ဆက်ဆံမည်ဆိုသည်မှာ ကြည်ညိုစရာကောင်းလိုက်ပါဘိတော့သည်၊ လောကတွင် ပစ္စည်းဂုဏ်ငွေဂုဏ်မောက်ကာ မိမိထက် သာသူမရှိ ဟု ဘ၀င်အမြင့်ကြီးမြင့်ကာ လူမျက်နှာကိုမကြည့် ငွေမျက်နှာသာ ကြည့်ကြသည့် လွန်ကဲသည့် ဘ၀င်မြင့်မှုမျိုးဖြင့် ဘ၀င်မြင့်ကာ နေကြသူအချို့ သတိထားစရာပင် ဖြစ်ပါတော့သည်။)
သတ္တမအချက်စိတ်အနေအထားမှာ….
ချိုကျိုးနေသည့် နွားသည် မည်သည့်တိရစ္ဆာန်ဖြစ်စေ စော်ကားလာပါသော်လည်း မဝှေ့ဘဲ ယဉ်ကျေးနူးညံ့နေပေသည်။ ထို့အတူ တပည့်တော်၏ စိတ်ထားသည်လည်း ချိုကျိုးနေသည့် နွားကဲ့သို့ စိတ်ကို ငြိမ်ဝပ်ပိပြားအောင် ထားနေပါသည်ဘုရား……။
အဋ္ဌမအချက်စိတ်အနေအထားမှာ……
ရေချိုးကာ ဖီးလိမ်းပြင်ဆင်ထားသော လူပျို အပျိုလေးများသည် သူတို့၏ လည်ပင်းတွင် ခွေးသေကောင်ပုပ် မြွေသေကောင်ပုပ်များကို ဆွဲထားမည်ဆိုလျှင် စက်ဆုပ်ရွံ့ရှာဖွယ်ရာ ထင်ပေလိမ့်မည်ဘုရား။ ထို့အတူ တပည့်တော်၏ ခန္ဓာကိုယ်ကိုလည်း စက်ဆုပ်ရွံ့ရှာဖွယ် သဘောထားနေပါသည်ဘုရား။
န၀မအချက်စိတ်အနေအထားမှာ…….
အပေါက်များစွာမှ ယိုစီးကျနေသည့် အမဲဆီအိုး ထမ်းရွက်ထားရသော သူသကဲ့သို့ တပည့်တော်လည်း ကိုယ်ကိုယ်ကို ဆောင်ရွက်နေရပါသည်ဘုရား……….ဟု အချက်(၉)ချက်ကို အရှင်သာရိပုတ္တရာသည် မြတ်စွာဘုရားအား လျှောက်ထားလိုက်ပါသည်။
ထိုသို့ စိတ်သဘောထားပုံကို လျှောက်တင်လိုက်သောအခါ စွပ်စွဲသောရဟန်းသည် စိတ်နှလုံးမသာယာဖြစ်ကာ ပူလောင်လှသဖြင့် အရှင်သာရိပုတ္တရာအား ချက်ခြင်းပင် ကန်တော့ကာ တောင်းပန်လျှောက်ထားလိုက်ပါသည်၊ ထိုအခါ အရှင်သာရိပုတ္တရာက သည်းခံပါကြောင်း ပြန်ပြောပြီးလျှင် သူအားလည်း သည်းခံပါရန် စွပ်စွဲသော ရဟန်းအား ထပ်မံ၍ တောင်းပန်လိုက်ပါသေးသည်၊ ဤနေရာ၌ အရှင်သာရိပုတ္တရာ၏ စိတ်နေစိတ်ထားကား အတုယူ လိုက်နာစရာကောင်းလွန်းလှပါသည်၊ သူ၏ စိတ်နေစိတ်ထားကို အပြည့်အ၀ မလိုက်နိုင်တောင်မှ စွမ်းနိုင်သမျှ အတုယူကာ လိုက်နာသင့်ကြပေသည်၊ သာမန်အထင်ကြီးမှုဖြစ်သည့် မာနတရားကို မပယ်နိုင်စေကာမူ လွန်ကဲသော အထင်ကြီးမှု၊ဘ၀င်မြင့်မှု အတိမာနမျိုးကိုတော့ ပယ်သင့်လှပေသည်။
ထိုသို့ သူတော်ကောင်းကြီးများ၏ စိတ်နေသဘောထားများကို တစ်ရာပုံ၍ တစ်ပုံ၏တစ်ဝက်မျှ လိုက်နာကျင့်သုံးနိုင်ကြမည်ဆိုပါလျှင် စိတ်အနေအထား တတ်ပြီး မောင်ယဉ်ကျေး မယ်ယဉ်ကျေးများ ဖြစ်လာနိုင်ပါကြောင်းနှင့် ဖြစ်လာနိုင်ပါစေဟုလည်း ဆန္ဒပြုရင်း…………။