တုနှိုင်းမမီ(၉)

ပစ္စည်းဥစ္စာတို့သည် လူသားတို့အား ကောင်းကျိုးကို ဖြစ်စေတတ်သကဲ့သို့ ဆိုးကျိုးကိုလည်း ဖြစ်စေတတ်ပါသည်။ ပစ္စည်းဥစ္စာ ကြောင့် လူသားအချင်းချင်း ယုံကြည်မှု အတိုင်းအတာတစ်ခုအထိ ရရှိကာ လူမှုရေးတွင် အဆင်ပြေစေသည့် ကောင်းကျိုးကိုလည်း ဖြစ်စေတတ်သကဲ့သို့ လူသားအချင်းချင်း ယုံကြည်မှုခေါင်းပါးကာ လူမှုရေးအဆင်မပြေမှုကိုလည်း ဖြစ်စေတတ်ပါသေးသည်။
ထိုအတူ ပကတိပစ္စည်းတို့သည် လူသားများအား ကျန်းမာရေးကောင်းအောင် အတိုင်းအတာတစ်ခုအထိ စွမ်းဆောင်နိုင်ကြ သည်။ ယခုခေတ် popular ဖြစ်နေသော အသဲ `စီ´ ပိုးရောဂါသည် ကုရာနတ္ထိ ဆိုပေမယ့် ယခု ပြည်ပနိုင်ငံများတွင် သိန်းပေါင်း ရာချီ၍ အကုန်အကျခံကာ ဆေးကုသမှုကြောင့် ပျောက်လုနီးပါးဖြစ်ကာ စိတ်ချမ်းသာစွာ ဘ၀တွင် ဆက်လက် ရပ်တည်နေနိုင် ကြသည်မှာလည်း ပစ္စည်းဥစ္စာ၏ ကောင်းကျိုးဟု ဆိုရပေမည်။ သို့သော်လည်း ပစ္စည်းဥစ္စာကြောင့် အသက်ဆုံးရှုံးရသည်လည်း ရှိခဲ့ပေသည်။ လူသားအချင်းချင်း အိမ်ထောင်ရေးအဆင်မပြေမှုကိုလည်း ဖြစ်စေတတ် သည့်အပြင် အိမ်ထောင်ရေး အဆင်ပြေမှုကိုလည်း ဖြစ်စေတတ်ပါသည်။ တစ်ခါတစ်ရံ လူသားများအား အသက်အန္တရာယ်ကို ပြုတတ်သည့်အပြင် ကိုယ့်ကိုယ်ကို သတ်သေကာ အဆုံးစီရင်သွားသည်ကိုလည်း စိတ်မကောင်းစွာ ကြားရမြင်ရပါသေးသည်။

မည်သို့ဆိုစေ ပကတိဥစ္စာပစ္စည်းသည် လူသားတို့ကို ဆိုးကျိုးနှင့် ကောင်းကျိုး တစ်ခုတစ်ခုတော့ ပေးပေမည်။ ဆိုးကျိုးကို မည်သူမျှ ခံစားချင်ကြမည် မဟုတ်ပေ။ ကောင်းကျိုးရလာပြန်တော့လည်း တစ်ဘ၀အတွက်သာ ခံစားကြရသည့်အပြင် စိုးရိမ်ပူပန်မှု ငိုကြွေးမှု စိတ်ဆင်းရဲမှု မကင်းသည့် ခံစားမှုဖြင့် ခံစားကြရသည်က များလှပါသည်။
လောကတွင် ဥစ္စာပစ္စည်းနှင့် စပ်လျဉ်း၍ လူသားတို့အတွက် ကောင်းကျိုးရရှိသကဲ့သို့ ဆိုးကျိုးလည်းရရှိသည်မှာ သဘာဝနိယာမ တစ်ခုဖြစ်သော်လည်း ဆိုးကျိုးလုံးဝမရှိ ကောင်းကျိုးချည်း သက်သက်သာ ပေးနိုင်သည့် တန်ဖိုးရှိ ဥစ္စာများလည်း လောက တွင် ရှိနေသည်မှာ လူသားများအတွက် ၀မ်းမြောက်စရာကောင်းလှပါသည်။ ထိုတန်ဖိုးရှိဥစ္စာကား တန်ဖိုးရှိရုံမျှ မဟုတ်၊ တန်ဖိုးမဖြတ်နိုင်သော တုနှိုင်းမမီဥစ္စာများ ဖြစ်ပါသည်။
ထိုဥစ္စာများသည် ယခုအသက်ရှင်ဆဲပစ္စုပ္ပန်ဘ၀သာမက နောင်တစ်မလွန်ဘ၀ထိတိုင်အောင် ကောင်းကျိုးပေးနိုင်သည့်အပြင် ဘ၀သံသရာ နောက်ဆုံးအထိတိုင်အောင်လည်း (supporting) အထောင့်အပံ့ များစွာ ပေးနိုင်သောကြောင့် တုနှိုင်းမမီဥစ္စာများဟု တင်စား ရေးသာလိုက်ရပါသည်။
ထိုတုနှိုင်းမမီ ဥစ္စာပစ္စည်းများကို လူကြီး လူငယ် လူရွယ်အသီးသီး မည်သူမဆို လက်ဝယ်ရရှိသူများသည် တည်ငြိမ်အေးချမ်း သာယာရွှင်လန်းသည့် ဘ၀တစ်ခုကို ဖန်တီးနိုင်ပါသည်။ တုနှိုင်းမမီ ဥစ္စာများရရှိနိုင်ရန် စာဖတ်သူများအား လမ်းညွန်မှုပြုရပါလျှင် ထိုတုနှိုင်းမမီဥစ္စာသည် (၇)မျိုးရှိ၏။
ထို (၇)မျိုးအနက် ပထမဦးစွာ ဖေါ်ပြလိုသည့် ဥစ္စာကား “ယုံကြည်မှု” ဟူသော ဥစ္စာဖြစ်ပါသည်။ ယုံကြည်မှု ဟူသည် ယုံကြည်မှု၊ လက်ခံမှုတို့ကို ဆိုလိုပါသည်။ ရတနာသုံးပါးကို လက်ခံလျှင် ရတနာသုံးပါးအပေါ် ကြည်ညိုသော စိတ်လေးသည် တဖြေးတဖြေး ကြည်လင်လာပါသည်။ ထို့ကြောင့်လည်း သဒ္ဓါတရားကို ယုံကြည်သည် ဟု အဓိပ္ပါယ်ဖွင့်ဆိုကြဟန်တူပေသည်။ သဒ္ဓါတရား သည် လက်နှင့်တူသည်ဟု မြတ်ဗုဒ္ဓ ဟောတော်မူခဲ့ပါသည်။ လက် ရှိလျှင် မည်သည့်အရာကိုမဆို ယူနိုင်သကဲ့သို့ ပုညကြိယာဝတ္ထု(၁၀)ပါး(ဒါန.သီလ.ဘ၀နာ)အနက် မည်သည့်ကုသိုလ်ကိုမဆို ရယူနိုင်သည်မှာ သဒ္ဓါတရား ပါ။
ပုညကြိယာဝတ္ထု(၁၀)ပါးတွင် ဒါန၊သီလ၊ဘ၀နာ ကိုတော့ နားလည်လွယ်၍ မရေးတော့ပြီ၊ အပစာယန ဆိုသည်မှာ ကြီးသူကို ငယ်သူက ရိုသေခြင်းကို ခေါ်ပါသည်။ ထိုသို့ ကြီးသူကို ရိုသေမှုပြုခြင်းသည်။ မိမိ၌ရှိသော မာန်မာနကိုလည်း ချိုးနှိမ်ပြီးသားဖြစ်သလို စိတ်ထားနူးညံ့လာကာ မေတ္တာစိတ်ဖြင့် ပြုနိုင်၊ပြောနိုင်၊တွေးတောနိုင်လာသည့်အပြင် မိမိစိတ်ကို ချမ်းသာသည့်ဖက်သို့ ပို့ဆောင်ပေးနေ သည်မှာ ယုံမှားဖွယ်မရှိပေ။ နောက်တစ်ခုက ဝေယျာဝစ္စ- ရတနာ(၃)ပါးနဲ့စပ်တဲ့ လုပ်အားပေးကုသိုလ်မျိုးပါ။ ဘုရားကျောင်းကန်သွား၍ လုပ်အားပေးကုသိုလ်ယူလျှင် တစ်ခြားအချိန်နှင့်မတူ စိတ်ရွှင်လန်းပြီး ချမ်းသာနေပေသည်။ ထို့အတူ လောက လူသားအများကောင်းကျိုး အတွက် ရည်ရွယ်ကာ ပရဟိတလုပ်ငန်းများ ဆောင်ရွက်ခြင်းသည်လည်း ကုသိုလ်ရလှပေသည်။ နောက်တစ်ခုက ပတ္တိဒါန- မိမိကုသိုလ်ကို လူနတ်ဗြဟ္မာများအား အမျှအတမ်းပေးဝေခြင်းသည်လည်း စိတ်ချမ်းသာလှသည်ဖြစ်၍ ကုသိုလ်ရသည့်အပြင် တစ်ပါးသူက အမျှအတမ်းပေးလာလျှင်လည်း ၀မ်းမြောက်စွာ သာဓု ခေါ်ရခြင်းသည်လည်း စိတ်ချမ်းသာမှုတစ်မျိုးမို့ ကုသိုလ်ရလှပေသည်။ တစ်ခါတစ်ရံ တရားနာကြားရခြင်းဖြင့်လည်း စိတ်ကြည်ကြည်လင်လင် လန်းလန်းဆန်းဆန်းဖြစ်ကာ ဓမ္မဿဝနကုသိုလ်ရနိုင်ပေသည်။ မိမိတတ်သည့် တရားတော်များကို တစ်ဖက်လူအား စေတနာဖြင့် ဟောပြောပြသပေး၍ တစ်ဖက်သား နားလည်လျှင် စိတ်ချမ်းသာရသည့် ဓမ္မဒေသနာကုသိုလ်တစ်မျိုးဖြစ်သည်။ အယူဝါဒပိုင်းဆိုရာတွင် အယူအမြင်စင်ကြယ်မှသာလျှင် လမ်းကြောင်းမှန်ကန်သည့် အတွက်ကုသိုလ်ရနိုင်ပေသည်။ အယူအမြင်စင်ကြယ်ရေးနှင့် ပတ်သက်၍ ရေးသားလျှင် ကျယ်ဝန်းလှပါသည်။ ဤ၌ စာဖတ်သူများ နားလည်သဘောပေါက်ရုံ တင်ပြရလျှင် လူသားတို့အတွက် ကိုးကွယ်အားထားရာသည် ရတနာသုံးပါးမှတစ်ပါး အခြားမရှိပေ၊ အဘယ့်ကြောင့်နည်း လူသားတိုင်း မရင်ဆိုင်ချင်သော်လည်း ရင်ဆိုင်နေရသည့် အိုဘေး၊နာဘေး၊သေဘေးအန္တရာယ်များမှ လွတ်ကင်းနိုင် လွတ်ကင်းရန် လမ်းညွန်ပေးနိုင်သည့်အရာမှာ ရတနာသုံးပါးပင် ဖြစ်ပါသည်။ ဘိုးတော်၊မယ်တော်၊ကွမ်ရင်၊ အမ်းကုန်း၊ ဘိုးမင်းခေါင်၊ ဘိုးဘိုးအောင် ၊ နတ်သူငယ်၊ အတွင်း(၃၇)မင်း၊ အပြင်(၃၇)မင်းစသည့် ပုဂ္ဂိုလ်များသည် လူသားများအား ဆိုခဲ့ပြီးသည့် အန္တရာယ်များမှ လွတ်အောင် မပြုလုပ်ပေးနိုင်သကဲ့သို့ လမ်းညွန်မှုကိုလည်း မပေးစွမ်းနိုင်ပေ။ ထို့ကြောင့် မိမိအား အန္တရာယ်ပေါင်စုံမှ လမ်းညွန်ကယ်တင် ပေးနိုင်သည့်အရာမှာ ဘုရား၊တရား၊သံဃာ ရတနာသုံးပါးပဲဖြစ်သည်ဟု အယူအမြင်စင်ကြယ်လျှင် လမ်းကြောင်းမှန်သည့်အတွက် အခြေခံ ကုသိုလ်များနှင့် မဂ်ကုသိုလ် ဖိုလ်ကုသိုလ်အထိရနိုင်ပါသည်။ ဤကား သဒ္ဓါ ဟူသည့် လက်ဖြင့် ကုသိုလ်များ ရနိုင်ပုံဖြစ်ပေသည်။
လွန်ခဲ့သော နှစ်ပေါင်း(၂၅၀၀)ကျော်ဆီက သက်တော်ထင်ရှား မြတ်စွာဘုရားသည် သာဝတ္ထိပြည် ဇေတ၀န်ကျောင်းတော်၌ သီတင်းသုံးတော်မူစဉ် ညသန်းခေါင်ယံအချိန်တွင် နတ်သားတစ်ပါးက မြတ်ဘုရားအား “အရှင်ဘုရား….လောကတွင် အကောင်းဆုံးသော တုနှိုင်းမမီ အရင်းအနှီးဥစ္စာ ဆိုတာ ဘာပါလဲ ဘုရား” ဟု မေးသောအခါ မြတ်ဘုရားက “ ဒကာနတ်သား……..လောကတွင် အကောင်းဆုံး တုနှိုင်းမမီ အရင်းအနှီးဥစ္စာကား အခြားမဟုတ် ရတနာသုံးတန် ကံ,ကံ၏အကျိုးကို မြတ်နိုးယုံကြည်လက်ခံသည်ဟူသော သဒ္ဓါ ဆိုတဲ့ ဥစ္စာ သာဖြစ်တယ်” ဟု သဂါထာဝဂ္ဂသံယုတ်ပါဠိတော် ၀ိတ္တသုတ်၌ မြတ်စွာဘုရားဟောတော်မူခဲ့ပါသည်။ လောကတွင် ရွှေ ငွေဥစ္စာတို့သည် သူနဲ့ အရင်းအနှီးပြုလျှင် ရွှေငွေစသော ဥစ္စာများသာ ရလာပါမည်။ သဒ္ဓါတရားကို အရင်းအနှီးပြုလျှင် သဒ္ဓါအရင်းခံဖြင့် ဒါန သီလ ဘ၀နာတရားများပြုလုပ်၍ ကုသိုလ်တရားများရရှိကာ ရာထူးဂုဏ်သိန် စည်းစိမ်ဥစ္စာတို့ကိုလည်း ရနိုင်ပေသည်။ နတ်ပြည် (၆)ထပ် ဗြဟ္မာရပ်သို့လည်း ရောက်နိုင်၏။ နောက်ဆုံး၌ နိဗ္ဗာန်ကိုလည်း မျက်ဝါးထင်ထင် တွေ့မြင်နိုင်ပေ၏၊ထို့ကြောင့် တုနှိုင်းမမီ ရင်းအနှီးဥစ္စာတို့ တွင် သဒ္ဓါတည်းဟူသော ဥစ္စာသည် တုနှိုင်းမမီ ဥစ္စာတစ်ခုဖြစ်ပေသည်။
သဒ္ဓါယ တရတိ သြဃံ- သြဃလေးဖြာ ဘ၀သံသရာဟိုဖက်ကမ်းသို့ ရောက်ရှိအောင် ကူးမြောက်ချင်ပါသည်ဆိုလျှင် ယုံကြည်မှု သဒ္ဓါတရားဖြင့် ကူးမြောက်နိုင်ပါသည်၊ ထို့ကြောင့်သဒ္ဓါတရားသည် လူနတ်နိဗ္ဗာန် သုံးတန် ချမ်းသာကို ရောက်ရှိနိုင်သည့် အတွက် သတ္တ၀ါများအား ထိုသဒ္ဓါတရားသည် အလွန်အရေးပါသည့် မရှိမဖြစ် လိုအပ်သော တုနှိုင်းမမီ ဥစ္စာတစ်ခုဟု ရေးသားရခြင်းဖြစ်ပေသည်။
တစ်ဖန် ရှေးတုန်းက စင်္ကြာမင်းများ ခရီးထွက်လျှင် သောက်ရေကို မယူဆောင်ကြပေ။ လမ်းခရီးတွင် စင်္ကြာမင်းက ရေသောက်ချင်သည်ဆိုလျှင် အနီးရှိရေအိုင်မှ ရေကို ခတ်ယူပြီးသောအခါ စင်္ကြာမင်းကြီးတွင် ပါလာသော ပတ္တမြားရတနာဖြင့် စိမ်လိုက်သောအခါ နောက်ကျုနေသောရေများ အနည်ထိုင်ကာ ရေကောင်းရေသန့်များကို ရရှိပါသည်။ ထိုပတ္တမြားရတနာရှိလျှင် ယခုခေတ် ရေသန့်စက် လုပ်သူများအတွက် အထူးအဆင်ပြေပေလိမ့်မည်။ ထို့အတူ နောက်ကျုနေသာစိတ်ကိုလည်း သဒ္ဓါတရားဖြင့် ကြည်လင် အောင်လုပ်ပေးနိုင်သည်။
စိတ်သည် လိုချင်ဖွယ်ရာအာရုံများနှင့် တွေ့လျှင် လိုချင်မှု(ကာမဆန္ဒ)များဖြစ်ပေါ်သကဲ့သို့ လိုချင်တာမရလျှင် နှလုံးမသာယာမှု(ဗျာပါဒ)များ ဖြစ်ပေါ်သည်။ ထိုသို့ဖြစ်ပေါ်လျှင် စိတ်သည် နောက်ကျုပြီး ကုသလိုလ်တရားများ မဖြစ်နိုင်တော့ပေ။ ကုသိုလ်တရား ဖြစ်အောင် တားဆီးပိတ်ဆို့တတ်သည့်အတွက် ကာမဆန္ဒစသည့်တရားများကို နိဝရဏတရား များဟု ခေါ်သည်။ ထိုတရားများဖြစ်ပေါ်၍ နောက်ကျုသောစိတ်ဖြစ်နေစဉ် သဒ္ဓါတရားဝင်လာလျှင် စိတ်ဟာ ကြည်လင်လာပါတော့သည်။ ရံဖန်ရံခါ စိတ်ဟာ ဒါနမပြုချင်၊ သီလမဆောက်တည်ချင်၊ ဘ၀နာတစ်မျိုးမျိုးလည်း မပွားများချင်ဘဲ တွန့်ဆုတ်နေတတ်သည့် အခါလည်း ရှိပေသည်။ ရံဖန်ရံခါ စိတ်ပျံ့လွင့် မှုများ ပူပန်မှုများ ယုံမှားသံသယများလည်း ဖြစ်လာတတ်သည်။ ထိုမကောင်းသည့်တရားများ ပပျောက်လိုလျှင် သဒ္ဓါတရားဖြင့် အစားထိုးပေးရပါသည်။ သဒ္ဓါ၏ စွမ်းအားကြောင့် မကောင်းသည့်စိတ်များ ပပျောက်ကာ ကုသိုလ်ဖက်သို့ လည်ကာ စိတ်ကြည်လင်လန်း ဆန်းလာပါတော့သည်။ သဒ္ဓါတည်းဟူသော ပတ္တမြားရတနာဖြင့် နိဝရဏတရားများဖြင့် နောက်ကျုနေသော စိတ်ကို ကြည်လင်သန့်ရှင်းအောင်လုပ်ပေး နိုင်သည်။
နတ်ပြည်တွင် နတ်သားနတ်သမီးများသည် ကုသိုလ်အထောင့်အပံ့ဖြင့် ဥပပတ်ပဋိသန္ဓေဖြင့် Automatic (၁၆)နှစ်ရွယ် ရုတ်တရက်ဖြစ်ပေါ်လာရပါသည်။ နတ်ပြည်၌စတင် ဖြစ်ပေါ်ကတည်းက သူတို့၏ ကိုယ်တွင် နတ်ဝတ်တန်ဆာများ တစ်ပါတည်းပါလာကာ ဘယ်တော့မှ လျှော်ဖွတ်ရသည်ဟု မရှိဘဲ အမြဲတမ်းသစ်လွင်တောက်ပနေပေသည် ၊ သူတို့၏ခန္ဓာကိုယ်သည် ရေချိုးပေးစရာမလို အမြဲတမ်း သန့်ရှင်းမြဲ သန့်ရှင်းနေပါတော့သည်။ အသက်အတိုင်းနေ၍ နတ်ပြည်မှ စုတေခါနီးလျှင် ဂျိုင်းကြားမှ ထူးဆန်းစွာ ချွေးများ ထွက်လာသည်။ နတ်ဝတ်တန်ဆာများသည်လည်း တဖြေးဖြေး ညိုးနွမ်းလာတော့သည်။ ထိုအချိန်တွင် နတ်ပြည်ရှိ အဖေါ်နတ်များက စုတေတော့မည့် နတ်ကို နန္ဒ၀န်ဥယျာဉ်သို့ ခေါ်သွားကာ အားပေးစကားပြောကြားပြီး အရေးကြီးသော စကားသုံးခွန်းကို မှာကြားကြလေ သည်။ စကားသုံးခွန်းမှာ (၁) အမောင်နတ်သား……..ဘာမှ စိတ်မပျက်နေပါနှင့် ဒီက စုတေရင် အကောင်းဆုံးနေရာဘုံကို ရောက်အောင် သွားပါ။ (၂) ထိုနေရာသို့ ရောက်ရင် အကောင်းဆုံးလာဘ်ကို ရယူပါ။ (၃) ရလာသော လာဘ်ကို မပျောက်မပျက်အောင် ထိမ်းသိမ်းပါ ဟူ၍ ဖြစ်ပါသည်။ ထိုစကားသုံးခွန်း၏ အဓိပ္ပါယ်မှာ အကောင်းဆုံးဘုံဌာနကို ရောက်အောင်သွားပါ ဟူသည် လူ့ပြည်ကို ရောက်အောင်သွား ဟု ပြောခြင်းဖြစ်သည်။ အကောင်းဆုံးလာဘ်ကို ရအောင်ယူခဲ့ပါ ဟူသည် သဒ္ဓါတရားကို ရအောင်ယူ ဟုပြောခြင်းဖြစ် သည်။ ရရှိလာသော ထိုလာဘ်ကို မပျောက်ပျက်အောင် ထိမ်းသိမ်းပါဟု နတ်တို့မှာတမ်းစကားသည် ရရှိလာသော ထိုသဒ္ဓါတရားကို မိမိသဏ္ဍာန်တွင် မပျောက်ပျက်သွားပါစေနှင့် ဟုပြောခြင်းဖြစ်ပါသည်။
ဤတွင်သဒ္ဓါတရားသည် လောကီသဒ္ဓါ နှင့်လောကုတ္တရာသဒ္ဓါ ဟု နှစ်မျိုးနှစ်စား ရှိပေသည်။ ပုထုဇဉ်တို့၏ သဏ္ဍာန်၌ ရှိသော သဒ္ဓါတရားသည် ခိုင်မြဲမှု မရှိလှသောကြောင့် လောကီသဒ္ဓါတရားဟုခေါ်ဆိုပါသည်။ အောက်ထစ်ဆုံး အရိယာသောတာပန်တို့၌ ရှိသော သဒ္ဓါတရားသည် ခိုင်မြဲမှု ရှိသောသောကြောင့် လောကုတ္တရာသဒ္ဓါဟုခေါ်ဆိုရပါသည်။ မြတ်ဘုရားလက်ထက်တော်က သောတာပန် အရိယာဖြစ်ပြီးသော မာဂဏ္ဍီပုဏ္ဏေးမသည် သူ၏ခင်ပွန်းသည်က ရတနာသုံးပါးယုံကြည်မှုနှင့်စပ်လျဉ်း၍ အသက်ကို ရန်ရှာသော် အသက်သာအသေခံမည်၊ ရတနာသုံးပါးယုံကြည်မှုသဒ္ဓါတရားကိုတော့ လုံးဝအပျက်မခံခဲ့ပေ။ တဖန် သောတာပန်တည်ပြီးခါစ သုပ္ပဗုဒ္ဓနူနာအား သိကြားမင်းက ပစ္စည်းဥစ္စာဖြင့် ဖြားယောင်းပါသော်လည်း ပစ္စည်းဥစ္စာမရှိ၍ သေချင်သေပါစေ၊ ရတနာသုံးပါးယုံကြည်မှု ကို လုံးဝအပျက်မခံခဲ့ပေ။ ဤသည်မှာ ခိုင်မြဲသောလောကုတ္တရာသဒ္ဓါတရားမျုိးဖြစ်သည်။ နတ်သား၏ မှာတမ်းစကားအရ ထိုလောကုတ္တရာသဒ္ဓါတရားမျိုးကို ဆိုလိုကြောင်း သိသာထင်ရှားပါပြီ။
ဤသို့ဖြင့် ထိုသဒ္ဓါတရားသည် လူ၊နတ်၊ဗြဟ္မာ သတ္တ၀ါအားလုံးအတွက် အလွန်အရေး ပါလှကြောင်း သိသာထင်ရှားလှပေသည်။ ထို့ကြောင့် စာဖတ်သူများသည် မိမိ၌ မရှိသေးသော သဒ္ဓါတရားကို ရရှိအောင် စွမ်းဆောင်၍ ရရှိပြီးသော သဒ္ဓါတရားကိုလည်း ကိုယ့်သဏ္ဍာန်ကနှေ မပျောက်ပျက်သွားအောင် ထိမ်းသိမ်းထားရန် အထူးအရေးကြီးလှကြောင်း ရေးသားလိုက်ရပါတော့သတည်း။ ။
စိတ်နေသန့်ရှင်း၊ ဘေးရန်ကင်း၊ လွန်မင်းချမ်းသာကြပါစေ
23.4.2008, 6:46 AM