သန်းခေါင်ယံက အမေးအဖြေများ (၃)

မေးခွန်းနံပတ်(၂)မှာ ကျန်ခဲ့တာလေးတွေကို ဖေါ်ပြပါဦးမယ်…
ထိုပါဏာတိပါတကံထိုက်သူများဟာ အပါယ်ကို ကျစေနိုင်တယ်ဆိုတာ အထူးပြောဖို့ လိုမယ်မထင်ပေ။ ဒါဖြင့် ပြုမိတဲ့ ပါဏာတိပါတကံအတွက် အပါယ်မကျနိုင်အောင် တားလို့ရနိုင်မလားဆိုတာ ဆက်လက် လေ့လာကြည့်ကြရအောင်ပါ။
ပြုမိပြီးတဲ့ ပါဏာတိပါတအမှုများကို “ဒီမကောင်းမှုကံကြီး ငါ့မှာ ဖျောက်လို့ရမှာမဟုတ်တော့ဘူး၊ သေရင်တော့ အပါယ်ကျတော့မှာ ပဲ” လို့ ပူပန်မှု ကုက္ကုစ္စ ဖြစ်နေမယ်ဆိုရင်တော့ သည်ပူပန်မှုတွေကြောင့် အပါယ်ကျရောက်နိုင်ပါတယ်။ ပြုမိပြီးတဲ့ ပါဏာတိပါတအမှုကို ထားပြီး နောင်မပြုမိအောင် ထိန်းသိမ်းမယ် ဆိုတဲ့ရည်ရွယ်ချက်နဲ့ ထိုပါဏာတိပါတအမှုကို (ဂရုမစိုက်ဘဲ)မေ့ထားမယ်၊ ပြီးတော့ ရှေ့ကို ကုသိုလ်တရားတွေကိုပဲ ဆက်လက် ပြုလုပ်သွားမယ်ဆိုရင် ကြာလာတော့ ထိုပြုမိတဲ့ပါဏာတိပါတအမှုတောင် ပပျောက်သွားနိုင်ပါတယ် လို့ ဘုရားရှင်က ဂါမဏိ သံယုတ်ပါဠိတော်မှာ ဟောတော်မူထားပါတယ်၊ ဒါလည်းသတိပြုစရာအချက်တစ်ခုပါ။

ဒါတင်မသေး (ယဿ ပါပံ ကတံ ကမ္မံ ၊ ကုသလေန ပိဓီယတေ) ပြုမိခဲ့ပြီးတဲ့ (ပါဏာတိပါတ)စတဲ့အကုသိုလ်တရားတွေကို ကုသိုလ်တရားနှင့် ရိုက်ချိုးကြ၊ ဖျက်ဆီးကြ ၊ ချိုးနှိမ်ကြ ဟု ဓမ္မပဒပါဠိတော် အင်္ဂုလိမာလသုတ်မှာ ဟောတော်မူထားပါတယ်။
အင်္ဂုလိမာလသည် လူ့ဘ၀တုန်းက လူတွေသတ်လာခဲ့တာ ထောင်ဂဏန်းပြည့်ဖို့ တစ်ယောက်ပဲလိုတော့တယ်၊ နောင် ဘုရားရှင် နှင့်တွေ့ဆုံရသောအခါ တရားတော်နာပြီးတဲ့အဆုံးတွင် အရဟတ္တမဂ်ဖိုလ် မျက်မှောက်ပြုသွားပါတယ်။ မဂ်ဖိုလ်ကိုမျက်မှောက်ပြုခဲ့ပြီးတဲ့ အချိန်ကစပြီး သူပြုခဲ့တဲ့ ပါဏာတိပါတကံဟာ အကျိုးပေးခွင့်မရတော့ဘဲ အဟောသိကံ ဖြစ်သွားပါတော့တယ်။ ဒါကြောင့် မိမိပြုခဲ့တဲ့ ပါဏာတိပါတ စတဲ့မကောင်းမှုတွေကို ဘာဝနာတရားနဲ့ ပယ်ဖျောက်ရင်လည်း ရနိုင်ပါတယ်။
နောက်ဆက်တွဲအမေးအတွက်…..
ခန္ဓာကိုယ်အတွင်း ပိုးမွှားသေခြင်းနှင့်ပတ်သက်၍ တင်ပြရလျှင် မိမိခန္ဓာကိုယ်အတွင်းက ပိုးမွှားများကို သာမန်မျက်စိဖြင့်မမြင်နိုင်ပေ၊ ဆိုင်ရာကရိယာများ၏ အကူအညီယူကာ အဆပေါင်းများစွာချဲ့၍ ကြည့်မှသာ မြင်နိုင်သည်၊ ထို့အပြင် သတ္တ၀ါဟု ခေါ်ဆိုရလောက်အောင်လည်း အင်္ဂါမစုံသည့်အတွက် သတ္တ၀ါရယ်လို့ ခေါ်ဆိုမရပေ။
ထိုအင်္ဂါငါးပါးအနက် သတ္တ၀ါ(မခေါ်ဆိုနိင်)မမည်တဲ့အတွက် ပထမအင်္ဂါချွတ်ယွင်းနေပါတယ်၊ ထို့ကြောင့် ခန္ဓာကိုယ်တွင်းမှ ဗိုင်းရပ်စ်ပိုးမွှားများ သေခြင်းဟာ ပါဏာတိပါတကံမမြောက်ပါ ဟု မဟာစည်ဆရာတော်ဘုရားကြီး ဆုံးဖြတ်ထားတာကို ဖတ်ရှုခဲ့ရဖူးပါတယ်။ ဒီတင်ပဲ ဒုတိယမေးခွန်းရဲ့အဖြေကို အဆုံးသတ်လိုက်ပါတယ်။
(၃) တရားအားထုတ်တာဟာ နေရာတိုင်းမှာ အားထုတ်လို့ရ - မရဆိုတဲ့ တတိယအမေးပြဿနာ…
တရားအားထုတ်ခြင်းကို စိတ်ဝင်စားသည် ဆိုရာဝယ် အကြောင်းအမျိုးမျိုးရှိပေသည်၊ သံဝေဂဥာဏ်ဖြစ်ခြင်း၊ စိတ်ချမ်းမြေ့မှု ရှိမည်ဟု ထင်မှတ်ခြင်းစသည့် အကြောင်းမျိုးစုံ ရှိပါသည်၊ တရားအားထုတ်ရခြင်းအကြောင်းနှင့် ပတ်သက်၍ပြောရရင် မြတ်ဘုရားလက်ထက်တော်အခါက နန္ဒမင်းသား၏ တရားအားထုတ်မှုသည် နတ်သမီးလိုချင်၍ဖြစ်သည်၊ နတ်သမီးလိုချင်သည့် အကြောင်းကြောင့် တရာအားထုတ်ဖြစ်ခါ နောက်ဆုံး၌ ရဟန္တာဖြစ်သွားခြင်းပင်ဖြစ်သည်။ ဘာရည်ရွယ်ချက်မျိုးနဲ့ပဲဖြစ်စေ တရားအားထုတ်ဖြစ်ဖို့က အဓိကဆိုတာကို နားလည်စေချင်ပါတယ်။
ဆိုလိုသည်မှာ မည်သည့်အကြောင်းကြောင့်ဖြစ်စေ တရားအားထုတ်ကြသောသူတို့သည် တရားအပေါ်၌ စိတ်ဝင်စားအားကြီးလာ ရင်ဖြစ်စေ၊ တရားရှုမှတ်မှုအားကောင်းကာ စိတ်တည်ငြိမ်မှုကြောင့် အရင်က မခံစားဖူးသေးတဲ့ တရားအရသာထူးများကို ခံစားကြရတဲ့အခါဖြစ်စေ တရားအပေါ် လက်ခံယုံကြည်မှုများ အားကောင်းလာကာ သဒ္ဓါ တရားလွန်ကဲလာတတ်ပါတယ်၊ သည်လို သဒ္ဓါတရားလွန်ကဲလာလျှင် မိမိလုပ်နေကြအလုပ်များ၌ စိတ်ဝင်စားမှုမရှိတော့၊ လောကီအလုပ်များ မလုပ်ချင်ဖြစ်တတ်တာ သဘာဝပဲဖြစ်ပါတယ်။ ဒါပေမယ့် လူသားတွေအဖို့ စားဝတ်နေရေး ရှိသေးတဲ့အတွက် လွန်ကဲနေတဲ့သဒ္ဓါတရားက တဖြည်းဖြည်းလျော့သွားရင် သူ့ဟာသူ ပြန်အဆင်ပြေနိုင်ပါတယ်။
အများအားဖြင့် လူတွေဟာ ထိုတရားဘာဝနာအားထုတ်မှုကို တရားခွင်(တရားစခန်း)တွင်း၌သာ လုပ်ရတယ်လို့ ထင်မှတ်တတ်ကြပါတယ်။ အမှန်ကား ထိုသို့မဟုတ်ပါ၊ တရားအားထုတ်မှုဟာ သွား၊ ရပ်၊ ထိုင်၊ လျောင်း ဣရိယာပုထ် လေးမျိုးလုံးတို့တွင် တရားရှုမှတ်၍ ရပါတယ်။ အယုတ်စွဆုံး ရေချိုးတဲ့အခါ၌ဖြစ်စေ၊ ထမင်းစားသည့် အခါ၌ ဖြစ်စေ၊ ရေသောက်သည့်အခါ၌ဖြစ်စေ၊ အိမ်သာတက်သည့်အခါ၌ဖြစ်စေ၊အိပ်မပျော်သေးသည့်ကာလများတွင် မပြတ် တလစပ် အားထုတ်နိုင်ပါသည်။ ထိုသို့နေရာတိုင်းတွင် တရားအားထုတ်နိုင်ကြောင်းကို (ယထာ ယထာ ၀ါ ပနဿ ကာယော ပဏီဟိတော ဟောတိ ၊ တထာ တထာ နံ ပဇာနာတိ) အကြင်ကြင် တည်နေတိုင်းသော ကိုယ်အမူအရာများအား ထိုတည်နေသည့် အမူအရာအတိုင်း ကွဲပြားစွာသိအောင်ရှုမှတ်ပါလေ…….လို့ သတိပဋ္ဌာန်သုတ်ကို ထောက်၍ တရားရှုမှတ်မှုဟာ နေရာမရွေး အချိန်မရွေး တရားရှုမှတ်နိုင်တဲ့အပြင် တရားရှုမှတ်သောကြောင့်လည်း (အကာလိကော) နေရာအချိန်အခါမရွေး တရားရနိုင်ပါတယ်။ ထင်ရှားအောင် စိတ်ဝင်စားဖွယ်သာဓကများ ထုတ်ပြပါဦးမယ်။
မြတ်ဗုဒ္ဓ၏ အလုပ်အကျွေးဖြစ်သူ အရှင်အာနန္ဒာသည် အထက်မဂ်များရရှိရန်အတွက် တရားရှုမှတ်သောအခါ သွား၊ရပ်၊ထိုင်၊ လျောင်း ဣရိယာပုထ်လေးပါးမှ လွတ်ကာ (ခဏလေးလှဲလျောင်းမည်ဟုစိတ်အကြံဖြစ်ကာ လဲလျောင်းခိုက် ကျောက်ကုန်းနှင့်အိပ်ရာမထိမှီ ခြေဖ၀ါးနှင့်မြေကြီးလွတ်ကာ) တရားထူးရခဲ့လေသည်။
အိန္ဒိယသာသနာကွယ်ပြီး သီဟိုဠ်၌ သာသနာထွန်းကားစဉ်က သီဟိုဠ်နိုင်ငံ မဟာဂါမရွာ၊ ဘုန်းတော်ကြီးကျောင်း၌် လမ်းလျှောက်ရင်း တရားရှုမှတ်၍ တရားထူးရသွားသည့်သာဓကလည်းရှိခဲ့ပေသည်။ ဆွမ်းဘုဉ်းပေးရင်း တရားရှုမှတ်ရာ၌လည်း တရားထူးရခဲ့သည်ကို ဓမ္မပဒအဋ္ဌကထာတွင် လာရှိသည့်အပြင် သီဟိုဠ်ခေတ်တုန်းက လမ်းဆုံလမ်းခွ ဇရပ်ပေါ်တွင် ဆွမ်းဘုဉ်းပေးရင်း တရားရှုမှတ်ကြတဲ့ အတွက် တရားထူးရသွားကြသည်မှာ အရေအတွက်မနည်းလှကြောင်း စာပေတွင်ကြည်ညိုဖွယ်ရာ ဖတ်ရပါတယ်။
ထို့ပြင် ဘုရားလက်ထက်က ဟင်းရွက်ကြော်ရင်း ဟင်းရွက်တို့၏ ဆီပူဖြင့်ထိသောအခါ ညိုးနွမ်းသွားတဲ့ အနေအထားကို (ဗဟိဒ္ဓ) အပြင်အာရုံ ယူကာ မိမိခန္ဓာဥာဏ်စိုက်၍ မိမိခန္ဓာဟာလည်း ထိုဟင်းရွက်ကဲ့သို့ ညိုးနွမ်းလာမည်ဖြစ်၍ မမြဲပါတကား…. လို့ ဆင်ခြင်ကာ ဟင်းရွက်ကြော်ရင်း ၀ိပဿနာတရားရှုမှတ်လိုက်ရာ တရားထူးရသွားပါတယ် လို့ မြတ်ဗုဒ္ဓ၏ (History) ပိဋကတ်တော်မှတ်တမ်းတွင် အထင်အရှား လာရှိပါတယ်။
ထို့ကြောင့် တရားရှုမှတ်ခြင်းဟာ လုပ်ငန်းခွင်တွင် အလုပ်လုပ်ရင်းဖြင့် တရားရှုမှတ်မည်ဆိုပါက ရှုမှတ်မှုမပျက်စေဘဲ အလုပ်လုပ်၍ ရနိုင်ပါကြောင်း ရေးသားတင်ပြလိုက်ပါသည်၊ လုပ်ငန်းခွင်တွင် တရားရှုမှတ်တယ်ဆိုတာ ဖြစ်တိုင်းသော အမူအရာတို့၌ သတိကပ်၍ တရားရှုမှတ်နေမည်ဆိုပါက အလုပ်လည်းတွင် ကုသိုလ်လည်းရ၍ အလွန်ဟန်ကျတဲ့ စနစ်တစ်ခု ဖြစ်ပါကြောင်း တတိယအမေးရဲ့ အဖြေကို ဒီတင်ပဲ အဆုံးသတ်လိုက်ပါတယ်။
(၄) နော်ဝေနိုင်ငံတွင် နောက်ဆုံးပေါ် တရားရှုမှတ်နည်းတစ်ခုအတွက် မှန် - မမှန်ဆိုတဲ့ စတုတ္ထအမေးပြဿနာ…….
ယခင်ဖြစ်ခဲ့သည့်တရားများ၊ ယခုဖြစ်ဆဲတရားများ၊ နောင်ဖြစ်လတံ့သောတရားများဟာ (ဘာမျှ မဟုတ်ဘူး)ဟု ရှုမှတ်ရမည်၊ လောကရှိရှိသမျှအရာအားလုံးဟာ (ဘာမှမဟုတ်ဘူး)၊ ဖြစ်ပေါ်သမျှ ခန္ဓာငါးပါး ရုပ်နာမ်တရားတွေကို (ဘာမှမဟုတ်ဘူး) လို့ ရှုရတဲ့ တရားအားထုတ်နည်းနှင့် တရားရှုမှတ်နေကြတာကို အရှင်ဘုရားအနေနဲ့ ဖြစ်နိုင်ရင် မှားသလား/မှန်သလားဆိုတာကို ဖြေရှင်းပေးစေလို ပါတယ် ။ ထိုတရားရှုနည်းကို ကြားခဲ့သည်မှာ သိပ်မကြာလှသေးတဲ့အတွက် နောက်ဆုံးပေါ် latest နည်းတစ်ခု ဖြစ်နိုင်ပါကြောင်း ယူဆမိပါ တယ်။
ထိုနည်းကို သူမလောက်သာပြောတာ မဟုတ်သေး၊ အင်္ဂလန်ကဓမ္မမိတ်ဆွေ ဆရာဝန်ကြီးတစ်ယောက်ကလည်း online အွန်လိုင်းပေါ်ကနေ နောက်ဆုံးပေါ် တရားနည်းကို ပြောခဲ့ဖူးပါတယ်။ “အရှင်ဘုရား... ဒီဆိုက်မှာ ဖတ်ကြည့်ပါဘုရား” လို့ဆိုကာ စာရေးသူအား http://realenlightenment.org လင့်ခ်တစ်ခု ပေးလိုက်ပါ သေးတယ်။
ထိုတရားအားထုတ်နည်းသာမဟုတ် အခြားနည်းအမျိုးမျိုးတို့အား ဤနည်းကတော့အမှား၊ ဤနည်းကတော့အမှန်လို့ဆုံးဖြတ်ရန် ခက်ခဲလှပါတယ်။ ဒါပေမယ့် ဘယ်တရားအားထုတ်နည်းဖြစ်စေ အမှန်/အမှား ဖြေရှင်းရာ၌(မှတ်ကျောက်တင် ခံနိုင်ဖို့ရာ) ပုံသေနည်း (နိယာမ)တစ်ခုတော့ ရှိရပါမယ်။ ထိုပုံသေနည်းကား တစ်ခြားမဟုတ် ဘုရားရှင်၏ သတိပဋ္ဌာန်နည်း မူသေစည်းပင်ဖြစ်ပါတယ်။ လောကတွင် တရားနည်းလမ်းများ အမျိုးမျိုးအထွေထွေ ရှိကြပါတယ်၊ ထိုနည်းလမ်းများ၏ အမှား/အမှန် ကို တိုင်းတာချင်တယ်ဆိုရင် သတိပဋ္ဌာန်လေးပါး ပေတံနှင့်သာ တိုင်းတာရပါ့မယ်။ ဘာ့ကြောင့်လဲဆိုရင် သတိပဋ္ဌာနသုတ်တော်တွင် (ဧကာယနော အယံ ဘိက္ခဝေ မဂ္ဂေါ သတ္တာနံ ၀ိသုဒ္ဓိယာ) ကိလေသာအညစ်အကြေးကင်းစင်ဖို့ရာ တစ်ခုတည်းသောလမ်းသည် သတိပဋ္ဌာန်ဟု ဟောထားပါတယ်။
ထို့အပြင် (ကာယဝေဒနာစိတ္တဓမ္မေသု ကိဉ္စိဓမ္မံ အနမသိတွာ မဂ္ဂါဒိဂမောနာမ နတ္ထိ) ကာယ ဝေဒနာ စိတ္တ ဓမ္မ ဆိုတဲ့ သတိပဋ္ဌာန် လေးပါးအနက် တစ်ပါးပါးကို မရှုမှတ်မသုံးသပ်ဘူးဆိုပါက မဂ်ဖိုလ်ကို ရသည် မရှိပါ.. လို့ စာပေအလာ ရှိတဲ့အတွက် သတိပဋ္ဌာန် ပါတဲ့ တရားနည်းလမ်းများသာလျှင် အမှန်ဖြစ်နိုင်ပါတယ် လို့ ယူဆမိပါတယ်။
သတိပဋ္ဌာနသုတ်တော်တွင် ‘ဂစ္ဆန္တောဝါ ဂစ္ဆာမီတိ ပဇာနာတိ’ သွားလျှင်လည်း (သွားသည် ဟူ၍) အပြားအားဖြင့် သိရမယ်လို့ ဆိုထားပါတယ်၊ သွားလျှင် ဘာမျှမဟုတ်ဘူး၊ ဟုဟောကြားထားတာမဟုတ်ပါ၊ သည်လိုဆိုလျှင် ဘုရားရှင် ဟောထားတဲ့ (ဂစ္ဆန္တော ၀ါ ဂစ္ဆာမီတိ ပဇာနာတိ) ကို (ဂစ္ဆန္တောဝါ နတ္ထီတိ ပဇာနာတိ) လို့ ပြင်ရမလိုဖြစ်နေပါတယ်။
(နိသိန္နော ၀ါ နိသိန္နောမီတိ ပဇာနာတိ)ထိုင်လျှင်လည်း (ထိုင်တယ်ဟူ၍) အပြားအားဖြင့် သိရမယ်၊ ( ထိုင်လျှင် ဘာမျှမဟုတ်) ဟူ၍ သိရမည်ဟု မဟောကြားခဲ့ပါ၊ ဘုရားရှင်ဟောတော်မူခဲ့တဲ့(နိသိန္တောဝါ နိသိန္နောမီတိ ပဇာနာတိ) ကို (နိသိန္နောဝါ နတ္ထီတိ ပဇာနာတိ) လို့ ပြင်ရမလိုဖြစ်နေပါတယ်၊ သည်လိုတော့ မဖြစ်နိုင်ပါ၊ ဒါဖြင့် ဘုရားနည်းလမ်းမှ သွေဖီနေတဲ့ ထိုတရားနည်းလမ်းကို အမှန်လို့ ယူဆ၍ မရနိုင်တော့ပါ။
နှစ်ပေါင်းနှစ်ထောင့်ငါးရာကျော် ကာလက ဖြစ်ခဲ့ပေမယ့် ယခုအချိန်အထိ ဘုရားရှင်ဟောကြားတော်မူခဲ့တဲ့ တရားတော်များကို ပိုလို့လည်း နုတ်ပယ်စရာမလိုသလို လိုနေ၍လည်း ထပ်ဖြည့်စရာမလိုပါ၊ တရားတော်က အရှိကိုအရှိအတိုင်း သိမြင်ရမယ်ဆိုတာ ရိုးရိုးရှင်းရှင်းလေးဖြစ်တယ်၊ ဘူတံဘူတတော ပဿတိ၊ အရှိကို အရှိတိုင်းရှုမှတ်ရမယ်လို့ ဟောထားသောကြောင့် ရိုးရိုလေးပင် အရှိကို အရှိတိုင်းပင် ရှုမှတ်ရုံသာ ဖြစ်ပါတယ်။
ထို့ကြောင့် လောကတွင် ဘာမျှ မရှိ ဘာမျှမဟုတ် ဟူသော တရားနည်းလမ်းသည် သဘာဝမကျသော နည်းလမ်းတစ်ခုဟု ယူဆရပါကြောင်းဖြေကြား ပေးလိုက်ရပါတော့ သတည်း။ ။

စိတ်နေသန့်ရှင်း ဘေးရန်ကင်း လွန်မင်းချမ်းသာကြပါစေ