လူများကို အမျှဝေလို့ ရပါသလား

အမေး။ ။သက်ရှိသတ္တ၀ါတွေ (လူအပါအ၀င်)ကို အမျှဝေလို့ ရပါသလား၊ လူသတ်တဲ့ သူကို အမျှဝေရင် နတ်ပြည်ရောက်သလားဘုရား ဆိုတာ သိချင်ပါတယ်ဘုရား။
မို့မို့
ဒန်ဗာမြို့၊ အမေရိကန်
အဖြေ။ ။ ထိုအမေးနဲ့ ပတ်သက်ပြီး နှစ်ပိုင်းခွဲဖြေမှရမှာပါ။ (၁)အချက်က လူ့ဘ၀က သေသွားတဲ့သူများနှင့် (၂)ယခုဘ၀ အသက်ထင်ရှားရှိတဲ့သူများ ဖြစ်ပါတယ်။

(၁)အချက်၊ လူ့ဘ၀က သေသွားတဲ့သူများဟာ တကယ်လို့ နတ်များ၊ လူ့များ ဖြစ်ကြမယ်ဆိုရင် ထိုသူတို့ကို အမျှအတန်းပေးလို့ မရနိုင်သလို သာဓုလည်း မခေါ်နိုင်ပါဘူး။ ဒုဂ္ဂတိဘုံကို ရောက်ကြမယ်ဆိုရင်တော့ အပါယ်လေးဘုံအနက် ပြိတ္တာဘုံတစ်ဘုံသာလျှင် ရနိုင်ပါတယ်။ ဒီပြိတ္တာဘုံတောင်မှ ပြိတ္တာမျိုး အများကြီးရှိတဲ့အနက် ပရဒတ္တူပ ဇီဝိတပြိတ္တာတစ်မျိုးသာလျှင် အမျှပေးဝေတဲ့အခါ အကြောင်းညီညွတ်မှ သာဓု ခေါ်နိုင်တာပါ။
(၂)အချက်က လူအပါအ၀င် သတ္တ၀ါများကို အမျှဝေလို့ ရ/မရ ဆိုတာနဲ့ ပတ်သက်ပြီး အမျှအတန်းပေးလို့ ရပါတယ်။ ရှင်းပြပါဦးမယ်။
ဒါနဲ့စပ်ပြီး……ကုသိုလ်လုပ်နိုင်တဲ့တရား (၁၀)မျိုး ရှိတယ်လို့ ဘုရားရှင် ဟောတော်မူထားပါတယ်။ အဲဒါကို မြန်မာလိုပဲ ပြောရအောင်ပါ။
(၁) ပေးကမ်းစွန့်ကြဲလှူဒါန်းမှု -ဒါနတရား။ (၂) ကိုယ်ကျင့်တရားဆိုတဲ့ သီလ။ (၃) အားထုတ်မှုဆိုတဲ့ သမထ၀ိပဿနာဘ၀နာ။ (၄)ကြီးသူအား ငယ်သူက ရိုသေမှုဂါရ၀တရားထားတာ။ (၅) ရတနာသုံးပါးနဲ့စပ်တဲ့ ဝေယျဝေစ္စ လုပ်အားပေးကုသိုလ်၊ လောကနဲ့ပတ်သက်တဲ့ ဝေယျာဝေစ္စလုပ်အားပေးကုသိုလ်။ (၆) မိမိကုသိုလ်ကို လူစတဲ့ သုခိတ၊ ဒုက္ခိတသတ္တ၀ါများအား အမျှအတန်းပေးတာ။ (၇) ပေးတဲ့အမျှအတန်းကို သာဓုခေါ်ရတဲ့ ကုသိုလ်။(၈) တရားနာတာ ။ (၉) တရားဟောတာ ။ (၁၀) အယူကို ဖြောင့်မှန်စွာ ယူတာ။ တို့ဖြစ်တယ်။ ဒီ(၁၀)မျိုးကို ပုညကြိယာဝတ္ထုဆယ်မျိုး လို့ခေါ်ပါတယ်။
ဒီဆယ်ပါးအနက် (၆)ခုမြောက်ဖြစ်တဲ့ ပတ္တိဒါန ကုသိုလ်အရ လူများကိုလည်း အမျှအတန်းပေးဝေလို့ရပါတယ်။
နောက်တစ်ခုက လူတစ်ယောက်ဟာ လူသတ်တဲ့အတွက် အကုသိုလ်ကံက အမာရွတ်လို ထင်ကျန်နေမှာဖြစ်ပြီး၊ အမျှအတန်းပေးဝေလို့ ၀မ်းသာစွာ သာဓုခေါ်ရင် ကုသိုလ်ကံက အမာရွတ်လို ထင်ကျန်ခဲ့မှာပါ။ ဒီကံနှစ်မျိုးအနက် အားကြီးတဲ့ ကံက အကျိုးပေးသွားမှာပါ။
ပိုရှင်းသွားအောင် နောင်ဘ၀ အကျိုးပေးမယ့် ကံလေးမျိုးရှိပါတယ်။
၁။ ဂရုကံ
၂။ အာသန္နကံ
၃။ အာစိဏ္ဏကံ
၎။ ကဋတ္တာကံ တို့ ဖြစ်ကြတယ်။
(၁) ကောင်းတဲ့ဂရုကံဆိုတာ မဂ်ဖိုလ်ကိုပြောတာပါ။ လူတစ်ယောက်ဟာ အနည်းဆုံး သောတာပတ္တိမဂ်ဖိုလ်ရထားတယ်ဆိုရင် သူ့အတွက် သောတာပတ္တိမဂ်ဖိုလ်ဟာ ဂရုကံပဲ ၊ အဲဒီဂရုကံက သေရင်သူ့ကို အပါယ်မကျအောင် အကျိုးပေးမှာပါ။
မကောင်းတဲ့ ဂရုကံဆိုတာက ပဉ္စာနန္တရိယကံကို ဆိုလိုတာပါ။ ဒီကံငါးပါးအနက် တစ်ခုခုထိုက်ထားတယ်ဆိုရင်တော့ ဒီအကုသိုလ်ကံက နောင်ဘ၀မှာ အကျိုးပေးဖို့ သေချာသွားပါပြီ။
(၂)အာသန္နကံဆိုတာ သေခါနီးဖြစ်ပေါ်လာတဲ့ကံပါ လူတစ်ယောက်ဟာ အသက်ရှင်စဉ်မှာ ကံငါးပါးကလွဲပြီး တစ်ခြားအကုသိုလ်တွေ ပြုလုပ်မိထားတယ် ဆိုပါစို့ ဒီလူဟာ သေခါနီးမှာ သူတော်ကောင်းများက ကုသိုလ်ရနိုင်တဲ့ အာရုံများကို ပြုလုပ်ပေးကြတဲ့အတွက် ကုသိုလ်အာရုံဖြစ်လာမယ်၊ ဒီသေခါနီးဖြစ်လာတဲ့ ကံဟာ ထိုသူ့အတွက် သေပြီး နောက်ဘ၀မှာ အကျိုးပေးမှာပါ။
(၃)အာစိဏ္ဏကံ ဆိုတာ အမြဲတန်း အလေ့အကျင့် ဖြစ်နေတဲ့ကံပါ ဒါလည်း ကောင်းကံနှင့်မကောင်းကံ ရှိပါတယ်။ ကောင်းတဲ့ကံများနှင့် မကောင်းတဲ့ကံများအနက် ကံတစ်မျိုးမျိုးကို နေ့စဉ်ဖြစ်စေ လစဉ်ဖြစ်စေ အလေ့အကျင့်များစွာ ပြုထားမယ်ဆိုရင် ထိုကံက နောက်ဘ၀အကျိုးပေးပါလိမ့်မယ်။
(၄)ကဋတ္တာကကံဆိုတာက ပြုကာမတ္တကံဖြစ်ပါတယ်။ အသက်ရှင်စဉ် အမှတ်တမဲ့ သတိမထားမိဘဲ ပြုမိတဲ့ကံပါ အဲဒီကံကလည်း ကောင်းတာနဲ့မကောင်းတာ နှစ်မျိုးပေါ့။ အထက်ပါကံ သုံးများ က အကျိုးပေးခွင့်မကြုံဘူးဆိုရင် ပြုကာမတ္တဖြစ်တဲ့ ကံက အကျိုးပေးမှာပါ။
ဖေါ်ပြခဲ့တဲ့ ကံလေးမျိုးမှ တစ်မျိုးမျိုးဖြင့် နောင်ဘ၀အကျိုးပေးမယ်ဆိုတာ အဖြေပေးလိုက်ပါတယ်။