ကောင်းစွာ ကျော်ဖြတ်ခြင်း

လောကကြီးတွင် ဦးတည်ချက် ယုံကြည်ချက်တို့ဖြင့် ဘ၀ခရီးလမ်းကို လျှောက်လှမ်းနေကြသည်ဖြစ်ရာ အချို့ကား အသိဥာဏ်ကင်းမဲ့ကာ ယုံကြည်မှုတစ်ခု သက်သက်ဖြင့် လျှောက်လှမ်းနေကြသူများ ရှိသကဲ့သို့ အချို့ကား ယုံကြည်မှု သက်သက် မဟုတ်မူ၍ အမှားအမှန် ၊ အကျိုးရှိ / မရှိ ဝေဖန်ပိုင်းခြားတတ်သည့် အသိဥာဏ်နှင့် ယှဉ်ကာ သတိကြီးစွာ ထား၍ ယုံကြည်မှု အပြည့်ဖြင့် လျှောက်လှမ်းနေကြသူများလည်း ရှိပေသည်။
ဒီဇင်္ဘာလ ၃၁ ရက်၊ ည တစ်ည၏သန်းခေါင်ယံ……
နှစ်စဉ်နှစ်တိုင်း သည်အချိန်ရောက်ပြီဆိုလျှင် ညလုံးပေါက် လမ်းမကြီးတစ်လျှောက် နားမလည်နိုင်သည့် သီချင်းသံတို့ဖြင့် ဟေးလား…၀ါးလား အော်ဟစ်နေကြသည်၊ တစ်ချို့ဆိုလျှင် အများကြားအောင်ဟု ဆိုကာ အော်လန်ကြီးနဲ့ပါ အော်ကြ ဟစ်ကြသည်။ အချို့ကြပြန်တော့လည်း သန်းခေါင်ယံအချိန် နှစ်ဟောင်းမှ နှစ်သစ်ကူးအချိန်ကို စောင့်ကာ မီးရှုးမီးပန်းတို့ဖြင့် ပစ်ဖေါက်ကြသည်။ အများအားဖြင့် အော်ဟစ်မြူးတူးနေကြ၊ ပျော်ပွဲရွှင်ပွဲတို့ဖြင့် မျိုးစုံအောင် ပျော်ရွှင်နေကြသည်မှာ ကမ္ဘာ့နေရာ အနှံ့အပြား ဖြစ်သည်။

ထိုအထဲတွင် စာရေးသူတို့ မြို့တစ်မြို့လည်း အပါအ၀င် ဖြစ်သည်။ ညလုံးပေါက် မီးပန်းဖေါက်သံ၊ သီချင်းသံတို့ဖြင့် ဆူညံနေသည့်အတွက် ထိုညက အိပ်၍ မရသည့်အဖြစ်နှင့် ကြုံခဲ့ရပေသည်။ ထိုညလွန်မြောက် အလင်းသို့ရောက်သောအခါ လူတစ်ယောက်သည် စာရေးသူထံ ရောက်လာကာ “ အရှင်ဘုရား …မနက်ဖန် တပည့်တော်အိမ်မှာ ဆွမ်းဆက်ကပ်ချင်လို့ပါဘုရား” ဟု လျှောက်ထားပါသည်။ သို့နှင့် နောက်တစ်နေ့ နံနက်တွင် ပင့်ဖိတ်သူ ဒါယကာအိမ်သို့ နောက်ပါ သံဃာများနှင့်အတူ ရောက်ခဲ့ရသည်။
အိမ်ရောက်သောအခါ ဆွမ်းဆက်ကပ်ရသည့်အကြောင်းကို ဆွမ်းဒါယကာအား မေးသောအခါ ဒါယကာက ယခုနှစ်ဟောင်းကုန်လို့ နှစ်သစ်ကူးသည်ကို အကြောင်းပြုပြီး ဆွမ်းကပ်ရခြင်းဖြစ်ကြောင်း ပြောပါသည်။ လူအများက နှစ်သစ်ကူးအချိန်ကို ပျော်ရွှင်မှုတို့ဖြင့် ဖြတ်ကျော်ခဲ့ပေမယ့် ထိုဒကာသည် နှစ်သစ် ကူးအချိန်ကို ကုသိုလ်တရားတို့ဖြင့် မင်္ဂလာရှိစွာ ကူးဖြတ်ခဲ့ပေသည်။ ထို့နည်းတူ မြန်မာနိုင်ငံ တစ်နံတစ်လျားတွင်လည်း ထိုကဲ့သို့ အချိန်ကို မင်္ဂလာရှိစွာ ကျော်ဖြတ်ကြသူများ ရှိလျှင် ကောင်းပေစွ ဟု တွေးမိသည်။
တွေးမိသည့်အတိုင်းပင် မကြာမီ သတင်းတစ်ခု ကြားခဲ့ရသည်မှာ ကြည်နူးစရာကောင်းလိုက်ပါဘိ၊ အကြောင်းကား နှစ်သစ်ကူးအချိန်ကို အကောင်းဆုံးနည်းဖြင့် ကုန်လွန်စေခဲ့သည့် အံ့သြဖွယ်ရာ ဖြစ်ရပ်လေးတစ်ခုကို ကြားသိခဲ့ရသည်။
စာရေးသူတို့၏ အိမ်နီးချင်းနိုင်ငံတစ်ခုဖြစ်သည့် ထိုင်းနိုင်ငံ တောင်ဘက် ကမ်းခြေတစ်နေရာတွင် အေးမြသည့် ငွေဘော်လ ရောင်အောက်မှာ ဓမ္မသဘင်ပွဲလေး တစ်ခု ကျင်းပခဲ့ကြသည်။ ထိုဓမ္မသဘင်ပွဲတွင်………
ဗုဒ္ဓဘာသာ မြန်မာလူမျိုး အလုပ်သမားများနှင့် ထိုင်းလူမျိုးအချို့တို့သည် ထိုနှစ်သစ်ကူးအချိန်တွင် လုံးဝမအိပ်မူ၍ နှစ်ဟောင်းကနေ နှစ်သစ်ဆီသို့ မင်္ဂလာအရှိဆုံးဖြင့် ကူးမြောက်ကြမည်ဟု ရည်ရွယ်ချက်ဖြင့် မြန်မာဘုန်းတော်ကြီးတစ်ပါး၏ ဟောပြောလမ်းညွန်ချက်ဖြင့် ၀ိပဿနာတရားရှုမှတ်ကာ အချိန်ကို ကုန်လွန်စေခဲ့သည်မှာ ကြားရသူ မြင်ရသူတို့အဖို့ ကြည်နူးဖွယ်ရာအတိ ဖြစ်ခဲ့ပေသည်။ ထိုကဲ့သို့ ကုသိုလ်နှင့် အချိန်ကို တန်ဖိုးရှိစွာ ကျော်ဖြတ်ခြင်းသည် မင်္ဂလာရှိသော ကျော်ဖြတ်ခြင်း ဖြစ်ပေသည်။
“အချိန်နှင့်ဒီရေသည် လူကို မစောင့်” ဟူသည့်အတိုင်း လူ့ဘ၀ဟူသည် အလွန်တိုတောင်းသော အချိန်တစ်ခုကို ဖြတ်သန်း၍ ကုန်လွန်သွားရသည်ချည်း ဖြစ်သည်။ ထို့ကြောင့် တိုတောင်းသော လူ့ဘ၀ကို လိုချင်မှု၊ မလိုမုန်းထား အာဃာတတရား ၊ မိုက်မဲတွေဝေမှု တွေနဲ့ အချိန်ကုန်၍ မနေသင့်ပေ။ ဖြစ်လာသော အကုသိုလ်တရားများကိုလည်း သတိ၊ပညာဦးစီးကာ ပယ်သတ်ရပေတော့မည်။ သို့မှသာ ဘ၀ကို ကောင်းသော ကျော်ဖြတ်ခြင်းဖြင့် ကျော်ဖြတ်သည် ဟု ဆိုရပေမည်။
ထို့အပြင် လူသားတိုင်းသည် နှစ်သစ်ကူးအချိန်မှ မဟုတ် အခြားအချိန်များကိုလည်း ကုသိုလ်တရားတို့ဖြင့် မင်္ဂလာရှိစွာ ဖြတ်သန်းကြမည်ဆိုပါလျှင် “ ကောင်းသော ကျော်ဖြတ်ခြင်း” ဖြစ်ပါလိမ့်မည်။
အထက်ပါဆိုခဲ့သည့်အကြောင်းများကား ခရစ်နှစ်သစ်ကူးအချိန်တွင် ဖြစ်ခဲ့သော အကြောင်းများ ဖြစ်သည်။ လောကတွင် လူမျိုးအသီးသီးရှိကြရာ မြန်မာလူမျိုးတို့က မြန်မာနှစ်သစ်ကူး ရှိသကဲ့သို့ ကရင်တိုင်းရင်းသားများကလည်း ကရင်နှစ်သစ်ကူး ရှိသည်၊ တရုတ်လူမျိုးဆိုလျှင်လည်း တရုတ်နှစ်သစ်ကူး ရှိပါသည်။ ဟိန္ဒူလူမျိုးများကလည်း သူတို့တွင် နှစ်သစ်ကူးအချိန် ရှိသည်ဟု ပြောပါသည်။ ထိုလူမျိုးအသီးသီးတို့၏ နှစ်သစ်ကူးအချိန်တွင် ပုံစံအမျိုးမျိုးဖြင့် ပျော်ရွှင်စွာ ကျော်ဖြတ်ကြသည်။ ထိုနှစ်သစ်ကူးရာ၌ အကဲဆုံးက မြန်မာလူမျိုးများ ဖြစ်သည်။ ဘာ့ကြောင့်နည်း…..
ကိုရွှေမြန်မာများသည် မြန်မာသင်္ကြန်အချိန်တွင် နှစ်သစ်ကူးရုံမျှမက ခရစ်နှစ်သစ်ကူးပွဲ ပါဆက်လိုက်သေးသည်။ ထို့အပြင် ကရင်နှစ်သစ်ကူးလည်း သူတို့ပါဝင်သည့်အပြင် ဟိန္ဒူနှစ်သစ်ကူး၊ တရုတ်နှစ်သစ်ကူး စသည့် နှစ်သစ်ကူးများတွင်လည်း သူတို့ပါဝင် ပျော်ရွှင်ကြသည်။ ပျော်ရွှင်ရမည်ဆိုလျှင် မည်သည့်နှစ်သစ်ကူးမျိုးဖြစ်ဖြစ် ကိုရွှေမြန်မာများ အရှေ့တန်းက ဖြစ်သည်။
မကြာသေးမီက တရုတ်နှစ်သစ်ကူးအချိန်တွင် တရုတ်လူမျိုးတို့က တရုတ်ရိုးရာနတ်များကို စားသောက်ဖွယ်ရာ အမျိုးစုံတို့ဖြင့် တည်ခင်း ပသကြသည်၊ ဤသည်ကိုပင် တရုတ်နတ်ရှိခိုးသည် ဟု ပြောစမှတ် ပြုကြသည်။ စာရေးသူတို့၏ မြို့တွင် တရုတ်နတ်ရှိခိုးသည့် သူများသည် အိမ်အတော်များများတွင် တွေ့မြင်ရတတ်သည်။ ထိုအခါ သူ့အိမ် ငါ့အိမ် လာရောက် စားကြဖို့ရာ ဖိတ်ကြသည့်အတွက် လူအများ ဟိုအိမ် သည်အိမ်ကူးကာ စားကြသောက်ကြသည်မှာ ပျော်ရွှင်ဖွယ်တစ်ရပ်အနေဖြင့် တွေ့မြင်ကြရသည်။
ဤလိုနေ့မျိုးကို မြင်လာရသည်မှာ တစ်နှစ်လည်းမဟုတ် ၊ နှစ်နှစ်လည်းမဟုတ် နှစ်ပေါင်းများစွာကပင် တွေ့မြင်လာခဲ့ရ၍လည်း စာရေးသူမှာ အမြင်မဆန်းတော့ပေ။ ဒေသခံလူအများလည်း ထိုနည်းတူပင် ဖြစ်သည်။ အမှားကြာလျှင် အမှန်ဖြစ် ဆိုပေမယ့် လည်း ထိုလုပ်ရပ်ကို မှား၏ /မှန်၏ ဟု ဆုံးဖြတ်ချက်မချနိုင် ဖြစ်ခဲ့ရလေသည်။ အဘယ့်ကြောင့်နည်းဟူမူ စာရေးသူတို့ မိသားစုသည် တရုတ်လူမျိုးမှ ဆင်းသက်လာသော တရုတ်ကပြားလူမျိုးထဲတွင် ပါဝင်နေသည့်အတွက် နှစ်စဉ် တရုတ်နတ်ရှိခိုးပွဲ ပြုလုပ်ပေး နေရသော ကြောင့် ဖြစ်သည်။
ဤသိုို့ဖြင့် နှစ်စဉ်ဆိုသကဲ့သို့ ရှိခိုးပွဲ ကျင်းပခဲ့ကြပါသည်မှာ လူမှန်းသိတတ်စအရွယ်ကတည်းကပင်ဖြစ်မည်ထင်ပါသည်။ တစ်နေ့ ဖခင်ကြီးသည် မဟာစည်ရိပ်သာခွဲတစ်ခုတွင် ၀ိပဿနာတရားကို ၀င်ရောက်အားထုတ်ဖြစ်ခဲ့သည်။ နောက်ပိုင်းတွင် တရားအားထုတ်ဖန်များလာ၍ လော မပြောတတ်ပေ။ ဖခင်ကြီးသည် ဆုံးဖြတ်ချက်တစ်ခုချကာ အိမ်တွင်း နှစ်စဉ် ကိုးကွယ်နေကျ ရိုးရာနတ်ရှိခိုးပွဲကို နောင်တွင် လုံးဝမလုပ်လိုတော့ကြောင်း ၊ သူ့အတွက် တကယ့်အားကိုးရာအစစ်ဖြစ်သည့် ဘုရား၊ တရား ၊သံဃာ ရတနာသုံးပါးရှိနေပြီ ဖြစ်ကြောင်း၊ လောကတွင် ရတနာသုံးပါးမှ တစ်ပါး အခြားကိုးကွယ်ရာ မရှိတော့ကြောင်း၊ ဒါကြောင့် အခြား ကိုးကွယ်ရာကိုလည်း မရှာလိုတော့ကြောင်း ၊ ရိုးရာနတ်ရှိခိုးသည်ဆိုသည်မှာ သူတို့ကို မရှိခိုးလျှင် ဖမ်းစားမည်ဖြစ်သည့်အတွက် နှစ်စဉ်နှစ်တိုင်း ရှိခိုးလာခဲ့ရကြောင်း၊ ဘုရား ၊ တရား ၊ သံဃာ ရတနာသုံးပါကို ကိုးကွယ်လျှင် ကုသိုလ်များရသည့်အပြင် ယခုဘ၀တွင်သာမက နိဗ္ဗာန်ရသည်အထိ ဘ၀များစွာ ကောင်းကျိုးချမ်းသာပေးနိုင်သည်။
ရတနာသုံးပါးအားကိုးကွယ်သူများသာ ချမ်းသာမည်။ ရတနာသုံးပါးကို မကိုးကွယ်လျှင် ဖမ်းစားမည် ဟု ဘယ်တုန်းကမှ မကြားဖူးခဲ့ပေ၊ တစ်ခုတော့ ရှိသည်၊မိမိတို့အတွင် သရဏဂုံ သီလ အားကောင်းဖို့တော့ လိုပါလိမ့်မည်။ “ ဒီနေ့ကစလို့ ရတနာသုံးပါသာလျှင် ငါ့ရဲ့ အားထားကိုးကွယ်ရာ အစစ်ဖြစ်တယ်။ ရတနာသုံးပါးမှတစ်ပါး အခြားကိုးကွယ်ရာမရှိ၊ ဒါကြောင့် ရတနာသုံးပါးကိုသာ ကိုးကွယ်တော့မယ်” ဟုဆိုကာ ရဲဝံ့စွာ ရိုးရာနတ် ကိုးကွယ်မှုကို ပြောင်းလဲပစ်ခဲ့ပါတော့သည်။
ပြောချင်သည်မှာ နတ်တို့က လူများအား ချစ်ခင်သော နည်းလမ်းတစ်ခုရှိပေသည်။ ထိုနည်းကား… သီလရှိသော ရဟန်းများအား အိမ်သို့ ပင့်ဖိတ်ကာ ကုသိုလ်ကောင်းမှုပြုပြီး ထိုနတ်များအား အမျှအတန်းပေးဝေ ခြင်းဖြစ်သည်။ မိမိကုသိုလ်ကောင်းမှုကို အမျှရပြီး သာဓုခေါ်နိုင်ကြမည်ဆိုပါလျှင် နတ်များက မိမိတို့အား ချစ်ခင်လာကြမှာ ဖြစ်ကြောင်းကို ဘုရားရှင် ဟောကြားတော်မူခဲ့သည်။
ဤသို့ဖြင့် ယနေ့မှစ၍ ကိုးကွယ်မှုမှန်ကန်စွာနဲ့ ကိုးကွယ်ကြမည် ဟု ဆိုကာ ဖခင်ကြီးသည် မိသားစုများအား စည်းရုံးခဲ့ပါသည်။ စာရေးသူအပါအ၀င် မိသားစု အားလုံးကလည်း ဖခင်ကြီးထောက်ပြသည့် လမ်းစဉ် မှန်ကန်နေသည့်အတွက် သဘောကျ လက်ခံကာ ထိုနှစ်မှ စတင်ပြီး ရိုးရာနတ် ရှိခိုးခြင်း မပြုလုပ်တော့ပေ။
ဖြစ်ချင်တော့ ရိုးရာနတ်မရှိခိုးသည့် နှစ်၌ပင် အငယ်ဆုံးညီမတစ်ယေက်သည် အိမ်ပေါ်မှ အိမ်အောက်သို့ လိမ့်ကျခဲ့ပါသည်။ ကံကောင်း၍ ဘာမျှ မဖြစ်ခဲ့ ပွန်းပဲရုံနှင့် ခြေအနည်းငယ်နာသွားသည်မှ အပ ဘာမှမဖြစ်ခဲ့။ သည်အကြောင်းကိုပင် အိမ်နီးနားဝန်းကျင်မှ လူအများက ရိုးရာနတ် မရှိခိုး၍ ဖြစ်သည်ဟု ပြောလာကြ မေးငေါ့လာကြသည်။ ဒါပေမယ့်လည်း စာရေးသူတို့မိသားစုသည် ဖခင်ကြီး၏ ဖြောင့်မှတ် မှန်ကန်သော လမ်းကြောင်းမှ သွေဖီသွားခြင်း လုံးဝမရှိခဲ့ ကြံ့ကြံ့ ခံနိုင်ခဲ့ပါသည်။ နောင်ပိုင်းတွင် မည်သို့မျှ ထူးထူးခြားခြား မဖြစ်လာတော့ပေ။
ဤကား ရိုးရာနတ် ကိုးကွယ်ခြင်း လမ်းမှားမှသည် ရတနာသုံးပါးအား ကိုးကွယ်အားထားမှု ဆိုသည့် လမ်းကောင်းလမ်းမှန်သို့ ကောင်းစွာ ကျော်ဖြတ်နိုင်ရန်သာ ဖေါ်ပြခြင်းဖြစ်သည်၊ ထိုသို့ဖေါ်ပြခြင်းသည် နတ်ကိုးကွယ်မှုကို ရှုတ်ချလို၍ မဟုတ်ပေ။ လူအများအမြင်မှန် ရနိုင်စေရန်သာ ရည်ရွယ်ပါသည်။
ဆိုရေးရှိက ဆိုအပ်စွ ဆိုသကဲ့သို့ စာရေးသူတို့မြို့တွင် နေထိုင်သော ဒေါ်…………….မိသားစုတို့သည် နှစ်စဉ်နှစ်တိုင်း ငွေကြေးများစွာ အကုန်အကျခံကာ ရိုးရာနတ် ရှိခိုးနေကြဖြစ်သည်။ (၆.၂.၂၀၀၈) ဗုဒ္ဓဟူးနေ့တွင် ရိုးရာနတ်ကိုးကွယ်ခြင်းမှ လုံးဝရပ်ဆိုင်းကာ ထိုရိုးရာနတ်ရှိခိုးသည့် နေ့တွင် နေအိမ်သို့ စာရေးသူတို့အပါအ၀င် ရဟန်းသံဃာများ ပင့်ဖိတ်ကာ ဆွမ်းကျွေးပြီး ရိုးရာနတ်များအပြင် အားလုံးသတ္တ၀ါတွေကို အမျှအတန်း ပေးဝေခဲ့သည်မှာ ကြည်နူးစရာကောင်းလိုက်ပါဘိ။ ထိုကောင်းမှုပွဲတွင် ရတနာ(၃)ပါး ဆည်းကပ်သူကို ဥပသကာ ဟုခေါ်ကြောင်း၊ ထိုတွင် ယုတ်ညံ့သော ဥပသကာမဖြစ်စေဘဲ၊ ကောင်းသောဥပသကာဖြစ်ရန်လိုကြောင်း၊ ကောင်းသော ဥပသကာဖြစ်ရန် အင်္ဂငါးချက် ပြည့်စုံရမှာ ဖြစ်ကြောင်း၊ (၁)ရတနာသုံး ပါးမှတစ်ပါး အခြားကိုးကွယ်ရာမရှိဟု ယုံကြည်မှုစစ်မှန်ခြင်း။(၂) ငါးပါးသီလကို ခါးဝတ်ပုဆိုးကဲ့သို့ စောင့်ထိန်း ရခြင်း။ (၃) ကောတုဟလမင်္ဂလ ဆိုသည့် အထူးအဆန်းများကို ဟုတ်၏/မဟုတ်၏ ဟု မသိဘဲ အရမ်းယုံကြည်မှု မရှိခြင်း။(၄) ကံနှင့်ကံ၏ အကျိုးကို ယုံကြည်ခြင်း။ (၅) ဘိုးဘိုးကြီး၊ဘိုးမင်းခေါင်၊ဘိုးမင်းအောင်၊ ကွမ်ရင်၊အန်းကုန်း စသည့် သာသနာပြင်ပမှ အလှူခံ ပုဂ္ဂိုလ်ထူးများကို မရှာမီးခြင်း တို့ဖြစ်သည်၊ ထိုအင်္ဂါများနှင့်ပြည့်စုံလျှင် ဥပသကာကောင်းတစ်ယောက်ဖြစ်ကြောင်းစသည့် ဥပသကာဂုဏ်ရည်တရားကို ချီးမြှင့်ပေးခဲ့သည်။
ထိုမိသားစုသည် ဘာသာရေးခံယူချက် မှန်ကန်ပြီး ဆုံးဖြတ်ချက်ကို ရဲရဲချကာ မိမိကိုယ်ကို ယုံကြည်မှုအပြည့်ဖြင့် ရိုးရာနတ်ကိုးကွယ်မှု မှ ရတနာသုံးပါးအား ယုံကြည်ကိုးကွယ်မှုသို့ ကောင်းစွာ ကျော်ဖြတ်နိုင်ခဲ့ကြသည်၊ ယခု ၂၀၀၉ ခုနှစ်၊် စာရေးသူတို့ မြို့တွင် လူများသည် နတ်ကိုးကွယ်မှုအစား ဘုန်းတော်ကြီးကျောင်း၌ဖြစ်စေ၊ သံဃာတော်များကို အိမ်သို့ပင့်၍ဖြစ်စေ ပင့်ဖိတ်ကာ ဆွမ်းကျွေးနေကြပြီဖြစ်ရာ အယူဖြောင့်မှန်မှုအတွက် ၀မ်းမြောက်စရာကောင်းလှပါသည်။
ဤသို့ဖြင့် လောကလူသားများသည် နှစ်သစ်ကူးအချိန်တွင် ဖေါ်ပြပါအတိုင်း ကောင်းသောကျော်ဖြတ်ခြင်းတို့ဖြင့် ကျော်ဖြတ်နိုင်သည့်အပြင် အချိန်များစွာတို့တွင် ကုသိုလ်တရားဖြင့် ကောင်းစွာကျော်ဖြတ်နိုင်ကြပါစေ၊ ဘာသာရေးတွင်လည်း နတ်ကိုးကွယ်မှုမှသည် ရတနာ(၃)ပါးကိုးကွယ်မှု ဆိုသည့် မှန်ကန်သော ကိုးကွယ်မှုတို့ဖြင့် ကောင်းစွာ ကျော်ဖြတ်နိုင်ကြပါစေ ဟု ဆန္ဒပြုရင်း …………..

စာရေးသူ၏ (၅၂)နှစ်မြောက် မွေးနေ့အမှတ်တရ