မုန်တိုင်းကြားက ဘုန်းတန်ခိုးရှင်

(၂.၅.၂၀၀၈) နေ့ ည(၁၂)နာရီအချိန်ခန့်သည် မြန်မာနိုင်ငံအတွင်း ဧရာဝတီတိုင်း၊ ရန်ကုန်တိုင်း၊မွန်ပြည်နယ်၊ကရင် ပြည်နယ်၊ များမှာ ပြည်သူအများအတွက် ကံဆိုးမိုးမှောင်ကျရောက်ခဲ့ရသောအချိန်အခါဖြစ်ပေသည်။
တစ်နာရီမိုင်၁၂၀နှုန်းတိုက်ခတ်နေသော လေပြင်းမုန်တိုင်းသည် အဆိုပါ တိုင်းနှင့်ပြည်နယ်များတွင် နေထိုင်သော လူများ၏ အသက်အိုးအိမ်များကို ရက်စက်စွာ ၀ါးမျိုပစ်ခဲ့သည်မှာ (၁၁.၅.၂၀၀၈)နေ့ဆိုလျှင် ၉ ရက်တိတိရှိခဲ့ပေပြီ။

နာဂစ်မုန်တိုင်းဒါဏ်ကြောင့် လူသိန်းနှင့်ချီ၍ သေဆုံးခဲ့သည်ဟု အွန်လိုင်းဂျာနယ်တစ်စောင်တွင် ဖတ်ခဲ့ရသည်။ မကြာသေးမီက E-mail ဖြင့် ပို့လိုက်သော ဓါတ်ပုံကို ကြည့်ခြင်းဖြင့် သေဆုံးသူများအနက် ကလေးငယ်များလည်း အလွန်များ ကြောင်း သိသာနိုင်ပေသည်။ ပြည်သူများ အသက်အိုးအိမ်စည်းစိမ်များ ဆုံးရှုံးကြရခြင်းအပေါ် မည်သူကြောင့် မည်ဝါကြောင့် ဟု ကရုဏာဒေါသဖြင့် တရားခံရှာကြ အပြစ်ရှာကြပေမယ့် “မည်သူမပြု မိမိမှု” ဆိုသည့်အတိုင်း အမှန်အားဖြင့် အတိတ်က ကိုယ်ပြုခဲ့သော မကောင်းမှုကံများကြောင့် ဖြစ်ရသည် ဟုဆိုလျှင် ဗုဒ္ဓ၀ါဒအရ ဗုဒ္ဓဘာသာဝင်များ ငြင်းဆိုနိုင်မည် မထင်ပေ။
ရေဘေးနှင့်ရင်ဆိုင်ရသောအခါ ရတနာသုံးပါးဂုဏ်ကျေးဇူးကြောင့် ၀တ်ဖြူစင်ကြယ်နှင့်လူသူတော်များ လာရောက်ကယ်မသည့်အတွက် အသက်ချမ်းသာရာရကြသည်ဟု စာရေးဆရာများရေး၍ ဖတ်ကြရပေလိမ့်မည်၊ နာဂစ်မုန်တိုင်းကြောင့် လူပေါင်းများစွာသေဆုံးကြသော်လည်း ထိုသေဆုံးသူများထဲတွင် အသက်မသေပဲ အသက်ရှင်သန်ခဲ့သည့် စ်ိတ်ဝင်စားဖွယ်ရာ အံ့သြဖွယ်ရာ ဘုန်းကံရှင်တစ်ဦး လည်းရှိခဲ့ပေသည်။ ထိုဖြစ်ရပ်မှန်ကို တယ်လီဖုန်းဖြင့် ပြောလာသောကြောင့် တင်ပြပေးလိုက် ရပါသည်။ ဖြစ်ပုံမှာ-
နာဂစ်မုန်တိုင်းကျရောက်သည့်နေ့မှစ၍ ရေတွက်လျှင် တစ်ပတ်တင်းတင်းပြည့်သည့်နေ့တွင် မော်လမြိုင်ကျွန်းမြို့အနီးတစ်ဝိုက် ကယ်ဆယ်ရေးများ လိုက်လံကယ်ဆယ်နေကြရာ တစ်နေရာတွင် သေဆုံးနေသော အလောင်းများကြားဝယ် တစ်လှုပ်လှုပ်ဖြင့်လုပ်ရှားနေသည်ကို တွေ့ရသောကြောင့် ဘာများပါလိမ့် ဟု လူများသွားရောက် ကြည့်ရှုရာ လူမမယ်ခလေးငယ်တစ်ဦး ဖြစ်နေသည်ကို အံ့သြစွာတွေ့ရှိခဲ့ကြသည်။ ခလေးသည် အရွယ်အားဖြင့် (၈)လသား အရွယ်ခန့်သာ ရှိသေးသည်၊ ခုနှစ်ရက်ပတ်လုံး နို့ငတ်သည့်ဒါဏ်ကြောင့် မေ့မြောသယောင်ယောင် အခြေအနေတွင် ရှိနေသည့်အပြင် ကလေး၏ ခန္ဓာကိုယ်လေးသည် ရေတွင် တစ်ပတ်တိတိ စိမ်နေခဲ့သည့်အတွက် နှုတ်ခမ်းလေးတွေ ပြာနမ်းနမ်း ဖြစ်နေသည်၊ သို့နှင့်လူအများက အသက်ရှင်နေသော ကလေးအား ကယ်ဆယ်ကာ ရန်ကုန်သို့ ပို့လိုက်ပါသည်၊ ယခုအခါ ရန်ကုန်မြို့ (၈)မိုင်ထိပ်က မော်ကျွန်းဘုန်းတော်ကြီးကျောင်းတွင် ပြုစုစောင့်ရှောက်ထားရာ အချိန်အနည်းငယ်အတွင်း ရယ်မောလာနိုင်သည်ဟု ဆိုသဖြင့် တကယ့်ဘုန်းရှင်ကံရှင်ပေပဲဟု ပြောဆိုရပေမည်။
နာဂစ်မုန်တိုင်းကြီးဟာ လူများစွာ၏ အသက်ကို ၀ါးမျိုနိုင်ခဲ့သော်လည်း (၈)လသားအရွယ် ဘုန်းကံရှင်ကလေး၏ အသက်ကိုတော့ မ၀ါးမျိုနိုင်ခဲ့ပေ၊ ဘုန်းကံရှိသော ကုသိုလ်ကံအားကြီးကြသောသူများသည် မည်သည့် အန္တရာယ်ဘေးဆိုးဖြင့် ရင်ဆိုင်ရပါစေ အသက်အန္တရာယ်မှ လွတ်ကင်းကြရသည်သာ မဟုတ်ပါလော။