တစ်ခါတုန်းကသြ၀ါဒ

မြိတ်မြို့-မဟာဂန္ဓာရုံတိုက်ခွဲ ဘုရားငါးဆူပရိယတ္တိစာသင်တိုက် ပဓာနနာယကဆရာတော်အ၀င်အပါ ဆရာတော်(၃)ပါး၏ ဂုဏ၀ိသိဋ္ဌပူဇာ အထိမ်းအမှတ်ထုတ် စာအုပ်၌ စာမူချီးမြှင့်ပေးပါရန် တောင်းခံလာသည့်အတွက် အောက်ပါဆောင်းပါးကို ရေးသားပြီးသည်နှင့် online စာဖတ်ပရိသတ်များ ဖတ်နိုင်စေရန်အတွက် တစ်ခါတုန်းကသြ၀ါဒ ဟူသည့် ဆောင်းပါးကို ပို့စ်တင်ပေးလိုက်ပါကြောင်း ၊ စာရှုသူများ ကျန်းမာချမ်းသာစွာဖြင့် လိုရာဆန္ဒပြည့်ဝကြပါစေ။

တစ်နေ့ စာရေးသူထံ လူတစ်ယောက် ရောက်ရှိလာကာ “ အရှင်ဘုရား…..တပည့်တော် အရှင်ဘုရားကို တွေ့ချင်နေတာနဲ့အတော်ပဲ၊ ဒီမှာ ဦးက၀ိသာရက အရှင်ဘုရားကို စာပေးခိုင်းလိုက်လို့ပါဘုရား” ဟုပြောကာ စာတစ်စောင် ထုတ်ပေးပါသည်။ စာရေးသူလည်း ဘာများပါလိမ့် ဟု ပေးစာကို ဖွင့်ကြည့်ရာ ဘုရားငါးဆူစာသင်တိုက်မှ ပဓာနနာယက ဆရာတော်ထံမှ စာရေးသူအား စာမူတောင်းခံလာသော စာဖြစ်နေပါသည်။
သို့နှင့်ကျရာဝန်တာ မနေသာ ဟုဆိုသကဲ့သို့ စာရေးသူအား ကျေးဇူးများခဲ့သည့် မိခင်ကျောင်းတော်ကြီးဖြစ်သည့်အပြင် ဘွဲ့ရရှိခဲ့သည့် ဆရာတော်သုံးပါးအနက် နိုင်ငံတော်မှ အဂ္ဂမဟာဂန္ထ၀ါစကပဏ္ဍိတဘွဲ့တံဆိပ် ချီးမြှင့်ခြင်းခံခဲ့ရသော ပဓာနနာယကဆရာတော် ဦးက၀ိသာရာလင်္ကာရထံတွင် သာမဏေသကျသီဟစာဝါများနှင့်ပထမပြန်စာဝါများပါ လိုက်ခဲ့ရ၍လည်း ဆရာတော်နှင့် ဘုရားငါးဆူကျောင်းတိုက်ဆိုလျှင် စာရေးသူအတွက် အလွန်ကျေးဇူးများလှပါသည်။

ယခုအခါ ဆရာတော်ဦးစီးသော ဘုရားငါးဆူပရိယတ္တိစာသင်တိုက်ကြီးသည် ကျေးဇူးတော်ရှင်မဟာဂန္ဓာရုံဆရာတော်ဘုရား ကြီး၏ မူဝါဒအတိုင်း စာပေများကို အခြေခံကစ၍ ပို့ချပေးခဲ့သည်မှာ ယနေ့အထိတိုင်ပင်၊ ယခုလည်း စာပေများကို ပို့ချဆဲ နောင်လည်း ပို့ချနေဦးမည်မှာ ဖြစ်သောကြောင့် သာသနာတော်အတွက် အားတက်ဖွယ်ရာကောင်းလှပါသည်။ အဘယ်ကြောင့်နည်း၊ ပရိယတ္တိသာသနာ၊ ပဋိပတ္တိသာသနာ၊ ပဋိဝေဓသာသနာဟု သာသနာသုံးရပ်ရှိရာတွင် သာသနာတော်နှောင်ရေး စိတ်အေးစေရန်မှာ ပရိယတ္တိသာသနာသာဖြစ်ပါသည်။ သို့သော်လည်း ပဋိပတ္တိ ကင်းလျှက် ပရိယတ္တိပြုလုပ်မည်ဆိုပါက ထိုပရိယတ္တိသည် အခြေခိုင်သော ပရိယတ္တိ မဖြစ်လာနိုင်ပေ။ ပဋိပတ္တိတွင် ကျင့်သုံးမှုသီလတရားလည်းပါနေသောကြောင့် သီလအခြေခံထားသည့် ပရိယတ္တိသာလျှင် သာသနာအရှည်တည်နိုင်သောကြောင့် ပဋိပတ္တိမကင်းသည့်ပရိယတ္တိဖြစ်ဖို့ လိုအပ်လှပေသည်။ ထို့အတူ ပရိယတ္တိအခြေခံ မရှိသော ပဋိပတ္တိသည်လည်း တာရှည်ခံနိုင်ခြင်းမရှိပေ။ (လောကတွင် လွဲမှားသော ဆန်းပြားသော နည်းနိဿယများ ပေါ်ထွန်းနေသည်ကို သတိပြုပါ)။ ထို့ကြောင့် ပဋိပတ္တိသည်လည်း ပရိယတ္တိမကင်းသည့် ပဋိပတ္တိဖြစ်ရန် အရေးကြီးပေသည်။
ဤနေရာ၌ ပရိယတ္တိသာသနာနှင့်ပတ်သက်၍ သင်ကြားမှုစနစ်( Education system) ကို တင်ပြလိုပါသေးသည်။
ယနေ့ခေတ် စာသင်နည်းတို့သည် အမျိုးမျိုးအဖုံဖုံ ရှိသည့်အနက် မဟာဂန္ဓာရုံဆရာတော်ဘုရားကြီး၏ စာသင်နည်းသည် သာမဏေငယ်များ ရဟန်းငယ်များ သဘောပေါက်လွယ်သည့်အပြင် ပါဠိအခြေခံစာပေကို အပိုအလိုမရှိ သင်ကြားပို့ချတော်မူခဲ့ကြသည့်အတွက် အချိန်တိုအတွင်း ဖတ်နိုင်၊ရေးနိုင်၊အဋ္ဌကထာများကို ပိုင်နိုင်စွာကြည့်ရှုလာနိုင်ခဲ့ကြခြင်း ဖြစ်သောကြောင့် ဆရာတော်ဘုရားကြီး၏ စာသင်နည်းသည် ခေတ်လူငယ်များအတွက် အကောင်းဆုံးသော စာသင်နည်းစနစ်တစ်ခု (The best education system) ဟု တင်စားပြောဆိုလိုက်ရပါသည်။
တစ်နေ့သ၌ စာအံနေသည့် သီလရှင်လေးတစ်ပါးကို အကဲခတ်ကြည့်မိပါသည်၊ သူမသည် သဒ္ဒါကြီးပါဠိ ၀ုတ္တိ ဥဒါဟရုဏ်များကို ပင်ပမ်းစွာ ကျက်နေရသည့်အပြင် စာလုပ်နေသည်မှာ ကြာပြီဖြစ်သော်လည်း သဒ္ဒါရုပ်တွက်များ ရုပ်ပြီးပုံများကို သေသေချာချာ ဂဃနဏ မသိသေး၊ နာမ်ဂုဏ်းစဉ်ဆိုလျှင်လည်း ဝေလာဝေး၊ မည်သည့်ဝိဘတ်က မည်သည့်အနက်အဓိပ္ပါယ်ထွက်သည်ကိုလည်း သိသလိုလိုနှင့်ဝိုးတ၀ါး ကျက်သာကျက်နေရသည် အဖြူအမဲ မသဲကွဲပေ။ သူမကိုမဆိုထားဘိ တစ်ချို့ စာသင်ငယ်များပင် သေသေချာချာ မသိသေးပေ။
ဤနေရာတွင် မဟာဂန္ဓာရုံတိုက်ခွဲတစ်ခုဖြစ်သည့် မြိတ်မြို့-ဘုရားငါးဆူစာသင်တိုက်ကြီး၏ ပါဠိစာပေအခြေခံ သင်ယူနည်းစနစ်သည်ကား မဟာဂန္ဓာရုံဆရာတော် ဦးဇနကာဘိဝံသ၏ နည်းစနစ်ဖြစ်သောကြောင့် အလွန်ကောင်းသည်ဟု ဆိုရပေမည်၊ အဘယ့်ကြောင့်နည်းဟူမူ- ရှေးဦးစွာ စတင်သင်ယူကြသော စာသင်ငယ်များအတွက် တွဲဖက်အခြေပြုသဒ္ဒါ စာအုပ်မှ နာမ်ဂိုဏ်းအားလုံးကို ဂိုဏ်းစဉ်နှင့်တကွ ၀ိဘတ်အနက်အဓိပ္ပါယ်ပါမကျန် သင်ယူကြရသည့်အပြင် ထိုနာမ်ဂိုဏ်းပြီးပါက ၀ါကျတစ်ကြောင်း၏ ကြိယာနေရာတွင် အသုံးပြုရသော အာချတ်ဂိုဏ်းစဉ်များကိုလည်း အနက်အဓိပ္ပါယ်နှင့်တကွ သင်ယူရပါသည်။ ထို တွဲဖက်အခြေပြုသဒ္ဒါ ကျေညက်လျှင် ပါဠိသိက္ခာ စာအုပ်ဖြင့် ပါဠိဝါကျစီ လေ့ကျင့်နည်းတို့ကိုပါ သင်ယူရ၍ ကျေညက်သောအခါ သဒ္ဒါကြီ်းကို မသင်ရသေးပေမယ့် ထိုစာသင်ငယ်တို့သည် အလိုရှိသလို ပါဠိဝါကျများကို ကျမ်းဂန်တတ်ပုဂ္ဂိုလ်အလား ရေးတတ်ဖတ်တတ်နေသည်မှာ ၀မ်းမြောက်အားရဖွယ်ရာ ကောင်းလှသောကြောင့် မဟာဂန္ဓာရုံတိုက်ခွဲ ဘုရားငါးဆူစာသင်တိုက်၏ သင်ကြားရေးနည်းစနစ်သည် ခေတ်မီသော ပညာသင်ကြားရေးစနစ် (Modern High Education System) ဖြစ်ပါသည်။
“သဒတ်မတာ စပ်မတာ, သဒ္ဒါမတတ် စာမတတ်” ဟူသည့် ဆိုရိုးစကားအတိုင်း သဒ္ဒါတတ်မှ စာတတ်ရကား သဒ္ဒါသည် ပိဋကတ်စာပေသင်ယူရာ၌ အဓိကကျသော အခန်းကဏ္ဍမှ ပါဝင်နေပေသည်။
သို့သော်လည်း သဒ္ဒါဘာသာရပ်ကို သင်ယူရာဝယ် သဒ္ဒါကြီးပါဠိကို ကျက်တူရွေး စာကျက်နည်းဖြင့် ကျက်နေမည်ဆို ပါက အချိန်သာကုန်၍ အကျိုးမရှိသည်ကို တွေ့မြင်ရပေမည်။ အဘယ်ကြောင့်နည်းဟူမူ သဒ္ဒါကြီးပါဠိ (၀ုတ္တိ ဥဒါဟရုဏ်)များကို ပင်ပမ်းစွာကျက်နေခြင်းဖြင့် စာသင်သားသာမဏေငယ်၊သီလရှင်ငယ်များအဖို့မူကား သဘောအဓိပ္ပါယ်ကို လွယ်လွယ်ဖြင့်မသိမြင်နိင်ပေ။ စာသင်သည်ဆိုရာဝယ် ထိုစာ၏ အနက်အဓိပ္ပါယ်ကို အခြေကျကျ သိမြင်လျှင် ကောင်းပါသည်။ ထိုသို့မဟုတ်ပါက ကျက်တူရွေးစာကျက်နည်းဖြင့် ကျက်နေမည်ဆိုပါက ဦးနှောက်ကို အလကားဖြုန်းတီးရာ ရောက်နေပေသည်။ ထို့ကြောင့် “လိုအပ်တာထက် ပိုပြီးတော့ အာဂုံ ကျက်ခြင်းဟာ ဦးနှောက်ကို အလကားဖြုန်းတီးခြင်းပါပဲ” ဟု အထင်ကရာ ဆရာတော်ကြီးတစ်ပါးကလည်း မိန့်ကြားဖူးပါသည်။
ဆိုလိုသည်မှာ မဟာဂန္ဓာရုံဆရာတော်ဘုရားကြီး၏ စာသင်နည်းကား ယနေ့ခေတ် စာသင်ပျိုတို့အတွက် အမှန်တကယ် စာတတ်သော စာသင်နည်းတစ်ခု ဖြစ်နေသည်ကို ယနေ့ခေတ် အမြင်ဖြင့် သတိထားသင့်ပေသည်။
ယနေ့ခေတ် ပါဂျဲရိုး ပါရာဒိုစသည့် ခေတ်မီကားများကြားဝယ် မင်းတုန်းမင်းလက်ထက်မှ ဘွိုင်လာဖြင့်အသုံးပြုရသည့် ကားအိုလေးမှာ အသုံးမ၀င်လှသကဲ့သို့ နန်းကျောင်းမူနိဿယတို့သည် “အခြေပြုသဒ္ဒါ” စသော ခေတ်ပေါ်ကျမ်းစာတို့ အလယ်၌ အို၍ ရှေးရိုးကျနေသည်ဖြစ်ရာ ရိုးအကြီး ဖြစ်နေပေတော့သည်။
ခေတ်ပေါ်ကျမ်းစာများဟု တင်စားပြောဆိုရသည့် မဟာဂန္ဓာရုံဆရာတော်ဘုရားကြီးဦးဇနကာဘိဝံသ၏ တွဲဖက်အခြေပြု သဒ္ဒါ၊ ပါဠိသိက္ခာ၊ အခြေပြုသဒ္ဒါ ၊ ကထာသလ္လာပသိက္ခာ၊အဋ္ဌကထာအခြေပြု စသည်များကို မဟာဂန္ဓာရုံတိုက်ခွဲတစ်ခုဖြစ်သည့် မြိတ်မြို့၊ ဘုရားငါးဆူစာသင်တိုက်တွင် သင်ကြားပို့ချပေးခဲ့ကြသည့် ပဓာနနာယကဆရာတော် ဦးက၀ိသာရာလင်္ကာရ နှင့်တကွ စာချဆရာတော်များ၏ မေတ္တာ၊စေတနာ၊ အနစ်နာခံမှုများကို အရင်းအနှီးပြုကာ သင်ကြားပို့ချပေးလာခဲ့သည်မှာ (၂၅)နှစ်ကျော်ခဲ့ပေပြီ၊ ယနေ့လည်း ပို့ချနေဆဲ နောင်လည်း ပို့ချနေဦးမည်မှာ သေချာလှပေသည်။ ထိုကဲ့သို့ သင်အံပို့ချလာခဲ့ရာက စာသင်သားရဟန်းသာမဏေများသည် ငယ်၊လတ်၊ကြီး၊ ဓမ္မာစရိယတန်း စာမေးပွဲများ ကိုလည်း များစွာအောင်မြင်ခဲ့ကြသည့်အပြင် ရန်ကုန်ပရိယတ္တိတက္ကသိုလ်သို့ ပို့လွတ်ကာ ပညာသင်ကြားစေ၍ B.A (Buddhism) , M.A (Buddhism) စသည့် ဘွဲ့များကို လည်း အထိုက်အလျောက်ဆွတ်ခူးနိုင်ခဲ့ကြသည်မှာ ဘုရားငါးဆူပရိယတ္တိ စာသင်တိုက်၏ အောင်မြင်မှုဖြစ်သဖြင့် ၀မ်းမြောက်ဂုဏ်ယူဖွယ်ရာ ကောင်းလှပါသည်။ ထိုကဲ့သို့ ကြိုးစား၍ သာသနာပြုခဲ့မှုတို့ကြောင့်လည်း ဆရာတစ်ဆူဖြစ်ခဲ့သည့် ပဓာနနာယဆရာတော် ဦးက၀ိသာရာလင်္ကာရ မထေရ်သည် နိင်ငံတော်က အဂ္ဂမဟာဂန္ထ၀ါစကပဏ္ဍိတ ဘွဲ့တံဆိပ်တော်ကို ထိုက်ထိုက်တန်တန် ချီးမြှင့်ခြင်း ခံခဲ့ရသည့်အပြင် စာချဆရာတော်နှစ်ပါးမှာလည်း နိုင်ငံတော်က ချီးမြှင့်သော ဘွဲ့အသီးသီးရရှိတော်မူခဲ့ကြသည်မှာ မြိတ်မြို့-ဘုရားငါးဆူကျောင်းတိုက်အတွက် ဂုဏ်ယူဝမ်းမြောက်ဖွယ်ရာပါပေ။ ထိုသို့ အောင်မြင်မှုရရှိရန်လည်း အသီးသီးကျရာတာဝန်ကို ဦးလည်မသုန် သာသနာ့တာဝန်ကို ထမ်း ရွက်ခဲ့ကြသည် မဟုတ်ပါလော။ မှတ်မိပါသေးသည်…
စာရေးသူတို့ စာသင်သားဘ၀က နေ့စဉ်နံနက် အာရုဏ်ဆွမ်းစားပြီးတိုင်း သြ၀ါဒတက်ရပါသည်။ ထိုစဉ်က သြ၀ါဒပေးသောဆရာတော်မှာ ထီးဆောင်းဆရာတော်ကြီးဖြစ်ပါသည်။ ဆရာတော်ကြီးပေးတော်မူသည့် သြ၀ါဒမှာ မှတ်သားစရာကောင်းလှပါသည်။
မင်းမပါ ဘယ်ဟာမပြီး၊မင်းချည်းတော့လည်း ဘယ်ဟာမပြီး။
သူ မပါ ဘယ်ဟာမပြီး၊ သူချည်းတော့လည်း ဘယ်ဟာမပြီး။
ငါ မပါ ဘယ်ဟာမပြီး၊ ငါချည်းတော့လည်း ဘယ်ဟာမပြီး……။
“သာသနာပြုသည်ဆိုရာဝယ် မင်းမပါလျှင် သာသနာပြုကိစ္စမပြီးဘူး ဆိုပေမယ့်လို့ မင်းချည်းသက်သက် တစ်ယောက်တည်းဖြင့် သာသနာပြုလို့ မရနိုင်ပါဘူး။ ထို့အတူ သူမပါလျှင်လည်း မည်သည့်ကိစ္စဖြစ်ပါစေ မပြီးဆုံးနိုင်ပေ၊ သို့ပေမယ့် သူချည်းသက်သက်ဖြင့် ကိစ္စမပြီးနိုင်ပေ၊ ငါ မပါလျှင်လည်း မည်သည့်အရာမျှ မပြီးနိုင်ပေမယ့် ငါချည်းလုပ်နေလို့လည်း အလုပ်မတွင်နိုင်၊ကိစ္စမပြီးနိုင်ပေ။ မင်း ၊ သူ၊ ငါ အားလုံးညီညွတ်စွာ ၀ိုင်းဝန်း၍ ခိုကပ်မှုမရှိ အားကြိုးမာန်တက် ကြိုးစားသွားကြရမှာ ဖြစ်သကဲ့သို့ ဘုရားငါးဆူကျောင်းမဟာဂန္ဓာရုံတိုက်ခွဲမှာလည်း ဒီလိုပါပဲ စာချဆရာတော်များ ၊ စာသင်သားငယ်များ ၊ ပစ္စည်းလေးပါးထောက်ပံ့နေကြသည့်ဒကာများသည် မိမိကျရာကဏ္ဍကနေ သစ္စာရှိရှိ တာဝန်သိသိဖြင့် ကြိုးစားကာသာသနာပြုကြရပေမည်။ ကျောင်းတိုက်တွင် စာသင်စာချများက အားကြိုးမာန်တက်ပြုလုပ်နေ ကြသော်လည်း ဒါယကာများဘက်က ပစ္စည်းလေးပါးလှူဒါန်းထောက်ပံ့မှု မရှိဘူးဆိုပါရင် အဆင်ပြေမှုမရှိသောကြောင့် စာသင်/စာချများ ချည်းသက်သက် သာသနာပြု၍မရသလို၊ ကျောင်းတိုက်အပေါ်သြဇာလွမ်းမိုးကာ အတ္တမာနဖြင့် ငါလုပ်ရင်ဖြစ်တယ်ဟုဆိုကာ ဒါယကာချည်းသက်သက်လည်း သာသနာပြုလို့ မရနိုင်ပါဘူး။ ဆရာကတစ်မျိုး၊တပည့်ကတဖုံ၊ ဒါယကာကတမှောက် ဆိုသည့်အတိုင်း သူတစ်လူ ငါတစ်မင်း ဗိုလ်ကျကာ ညီညွတ်မှုမရှိဘဲ နေကျမည်ဆိုလျှင် မိမိတို့ကျောင်းတိုက်တွင် တိုးတက်မှု မရှိသည့်အပြင် ကြာလေ ဆုတ်ယုတ်လေ ဖြစ်နေပေတော့မည်။
စာချသည့်ပုဂ္ဂိုလ်ကလည်း စာချသည့်တာဝန် ၊ စာသင်ငယ်များကလည်း စာသင်သည့်တာဝန်၊ ဒါယကာများကလည်း စာသင်/စာချများ အမှန်တကယ်လိုအပ်နေသည့် ပစ္စည်းလေးပါးတို့ကို အခါအားလျော်စွာ ထောက်ပံ့လှူဒါန်းကြသည့် တာဝန်၊ ဘက်စုံ ကဏ္ဍစုံအသီးသီးကနေ တာဝန်ယူကြိုးစားသွားမယ်ဆိုရင် ဘုရားငါးဆူသာသနာကြီးဟာ နေလိုလလို အစဉ်ထွန်းပြောင်နေမှာ ဖြစ်သလို မြတ်ဗုဒ္ဓသာသနာတော်ကြီးဟာလည်း အစဉ်ဆက်မပြတ် တည်တံ့နေမှာဖြစ်ပါတယ်။ ဒါကြောင့် ယခုဒီမှာ သြ၀ါဒနာယူနေကြတဲ့ ဦးဇင်း ကိုရင်များကလည်း စာချပုဂ္ဂိုလ်များရဲ့ စေတနာမေတ္တာဖြင့် သွန်သင်ဆုံးမသည့်အတိုင်း တသွေမတိမ်းလိုက်နာကာ မိမိတိုးတက်ရေး ကျောင်းတိုက်တိုးတက်ရေးကို ရှေးရှုလျှက် သာသနာပြု သွားကြဖို့ တိုက်တွန်းရင်းနဲ့ ဒီမှာပဲ သြ၀ါဒအဆုံးသတ်ပါတယ်” ဟု ထီးဆောင်းဆရာတော်ဘုရားကြီး၏ နံနက်ခင်းသြ၀ါဒပေးတော်မူခဲ့သည်တို့ကို ယနေ့ထက်တိုင်အောင်နားထဲကြားယောင်ဆဲဖြစ် ပါသည်။
ထိုသြ၀ါဒတော်အတိုင်း ကျင့်သုံးခဲ့၍လောမသိ၊ အသီးအပွင့်ဝေေ၀ဆာဆာတို့ဖြင့် တင့်တယ်လှပသော သစ်ပင်ကြီးတစ်ပင်ကဲ့သို့ မြိတ်မြို့၊ ဘုရားငါးဆူပရိယတ္တိစာသင်တိုက် မဟာဂန္ဓာရုံတိုက်ခွဲသည်လည်း ယခုအခါဝယ် စာအောင်သံဃာများ၊သာသနာ့အာဇာနည် များဖြင့် ဝေေ၀ဆာဆာလှပတင့်တယ်နေတော့သည်ဖြစ်ရာ စာရေးသူနှင့်တကွ စာသင်ပျိုများအား မွေးထုတ်ပေးရာ အမိကျောင်းတော်ကြီး အတွက် ဂုဏ်ယူဝမ်းမြောက်ရပါကြောင်း ဤဆောင်းပါးဖြင့် ဂုဏ်ပြုရေးသားလိုက်ရပါတော့သတည်း။

အရှင်ဒေ၀ိန္ဒာဘိဝံသ၏ ရာစုနှစ်ဒဿနကို မှီညမ်းပါသည်။