ချို,ချဉ်, စပ်, ဖန်,အငန်, အခါး ဟူသော အရသာ (၆)မျိုးသည် တစ်ခုနှင့်တစ်ခု တွဲယှဉ်ပေါင်းစပ်ထားလျှင်သော်လည်းကောင်း၊ အဆာစသည်တို့နှင့် တွဲစပ်ပေါင်းထည့်မှသော်လည်းကောင်း နှစ်သက်ဖွယ်အရသာကို ဖြစ်စေတတ်ကြ၏။ တန်ဆေး လွန်ဘေး ဟူသည့်အတိုင်း နှစ်သက်လွန်း၍ လိုအပ်သည်ထက်ပို၍ စားမိလျှင်လည်းကောင်း၊ ထားသင့်သည့်အချိန်ထက် ပိုလွန်ကာ ထားမိ၍သော်လည်းကောင်း လူကို ဘေးဥပါဒ် အန္တရာယ်ကို ဖြစ်စေတတ်သည်။
သစ္စာဆိုသည့် အရသာကား ထိုသို့မဟုတ် အခြားအဆာတွေကို တွဲယှဉ်ပေါင်းထည့်စရာမလို ပကတိပင်ကိုယ်က ကောင်းမြဲကောင်းနေပါသည်။ မည်မျှလောက်များများ မည်မျှပင်ကြာစေကာမူ အန္တရာယ်မဖြစ်တတ်သည့်အပြင် ကြာလေ ကောင်းလေ ဟောင်းလေသစ်လေပင်ဖြစ်ပါသည်။ ဤတွင် လောကနယ်ပယ်၌ ပြန့်နှံ့နေသည့် သစ္စာတရားရှိသကဲ့သို့ ဓမ္မနယ်ပယ်တွင်လည်း သစ္စာတရားများ ပြန့်နှံ့၍နေပေသည်။
လောကနယ်ပယ်တွင် ပြန့်နှံ့နေသော သစ္စာသည် “ကတိသစ္စာ တည်သောအခါ နွယ်မြစ်သစ်ပင် ဆေးဖက်ဝင်” ဟူသည့်အတိုင်း ကတိသစ္စာတည် သောအခါ တန်ဖိုးမရှိသည့် နွယ်မြက်သက်ပင် များသည်ပင်လျှင် ဆေးဖက်ဝင်နိုင်ကာ အနာရောဂါပျောက်နိုင်ပေသည်။
သစ္စာအရသာ၌ တည်ခဲ့လျှင် တသွင်သွင် စီးဆင်းနေသော မြစ်ကြီးအတွင်းက ရေအလျဉ်သည် ရပ်သွားကာ ရေကို မြေကြီးသဖွယ်ပြုကာ တစ်ဖက်ကမ်းသို့ ကူးမြောက်နိုင်သေး၏။
မြတ်စွာဘုရားလက်ထက်တော်အခါက မဟာကပ္ပိနမင်းနှင့်နောက်ပါအမတ်တစ်ထောင်တို့သည် ကုက္ကုဋ၀တီပြည်ကနေ သာဝတ္ထိပြည်သို့ ဘုရားဖူးရန်သွားကြရာတွင် လမ်းခရီး၌ အပရစ္ဆာမြစ်ကို ရောက်ရှိသောအခါ မဟာကပ္ပိနမင်းက “ရတနာသုံးပါးဂုဏ်ကျေးဇူးကြောင့် ရေသည် ရေမဟုတ်သကဲ့သို့ ဖြစ်စေသတည်း” ဟု သစ္စာအဓိဋ္ဌာန်ကာ ဘုရားဂုဏ်တော်ကို နှလုံးသွင်း၍ ထိုမြစ်ကိုကူးသောအခါဝယ် မြင်း၏ ခွါကိုတောင်မှ ရေမစိုဘဲ တစ်ဖက်ကမ်းသို့ ကူးမြောက်နိုင်ခဲ့ကြပေသည်၊ တစ်ဖန် နီလ၀ါဟနာမြစ်ကို ရောက်သောအခါတွင်လည်း ရှေးနည်းအတိုင်း သစ္စာအဓိဋ္ဌာန်၍ တရားဂုဏ်တော်နှလုံးသွင်းကာ အောင်မြင်စွာဖြတ်ကျော်ခဲ့သလို နောက်ဆုံး စန္ဒဘာဂမြစ်ကို ကူးဖြတ်သောအခါတွင်လည်း သစ္စာအဓိဋ္ဌာန်ဖြင့် သံဃဂုဏ်တော်ပွား၍ အောင်မြင်စွာဖြတ်ကူးနိုင်ခဲ့ပါသည်။ မြစ်ကို ကူးဖြတ်ရာ၌ ဖေါင်မပါ သင်္ဘောမပါဘဲ အဆင်ပြေစွာ မြစ်သုံးစင်းကို ဖြတ်ကူးနိုင်ခြင်းသည် မဟာကပ္ပိနမင်း၏ သစ္စာအဓိဋ္ဌာန်အရသာအစွမ်းကြောင့် ဖြစ်ပါသည်။
ထိုမျှသာမက ပရိတ်တော်လာ ဘုရားအလောင်းတော် ငုံးမင်း၏ သစ္စာအရသာကလည်း ကြားရသူအဖို့ သနားစရာကောင်းလှသလို ကြည်ညိုစရာ၊ အံ့သြစရာလည်းကောင်းလှပေသည်။ ဘုရားအလောင်းတော် ငုံးမင်းဖြစ်စဉ်က တောမီးကြီးလောင်ကျွမ်းစဉ် မိခင်ဖခင်များက အသက်ဘေးကို ကြောက်ရွံ့သဖြင့် မီးဘေးလွတ်ရာသို့ ထွက်ပြေးသွားခဲ့လေပြီ၊ အလောင်းတော် ငုံးမင်းတစ်ကောင်တည်းသာ တောထဲ၌ ကျန်ခဲ့ပါသည်။ သူနေသည့် ပတ်ဝန်းကျင်တွင် တောမီးကြီးလောင်လျှက်ရှိရာ ပြေးမလွတ်ဖြစ်နေစဉ် ငုံးမင်းက “ ငါ၏ မိခင်ဖခင်များသည် အသက်ဘေးကို ကြောက်လှသဖြင့် မီးနှင့်ဝေးရာ အခြားသို့ ထွက်ပြေးသွားကြခဲ့လေပြီ၊ ငါ့မှာ ငယ်သေး၍ ပျံလည်းမပျံနိုင်၊ ငယ်သေး၍ သွားလည်းမသွားနိုင်ပေ၊ ဤမှန်ကန်သော သစ္စာစကားကြောင့် တောမီးကြီး ငြိမ်းပျောက်ပါစေသတည်း” ဟု အဓိဋ္ဌာန်လိုက်ရာ ဘုရားအလောင်းတော် ငုံးမင်း၏ သစ္စာအရသာကြောင့် စကားနားလည်သည့်ပမာ တောမီးကြီးသည် တစ်ခဏချင်းပင် ငြိမ်းပျောက်သွားလေတော့၏ ၊ ထိုသစ္စာအရသာကြောင့် အလောင်းတော် ငုံးမင်းသစ္စာဆိုခဲ့သည့် နေရာတွင် ကမ္ဘာတည်သမျှကာလပတ်လုံး မီးဘေးမှ လွတ်ကင်းလျှက် ရှိပါသည်။
နောက်သစ္စာအရသာတစ်ခုကား ဘုရားလောင်းတော် မျောက်မင်းဖြစ်စဉ်က ဖြစ်ရပ်မှန်တစ်ခုဖြစ်ပါသည်။ ထိုစဉ်က ဘုရားအလောင်းတော်သည် မျောက်ပေါင်း ရှစ်သောင်းကို ရှေ့သွားခေါင်းဆောင်ပြု၍ အုပ်ချူပ်ရသော မျောက်မင်း ဖြစ်ခဲ့ဖူးပါသည်၊ တစ်နေ့သ၌ သူတို့နေထိုင်ကျက်စားရာ တောတစ်နေရာတွင် ရေကန်ကြီးတစ်ခုကို မြင်သောအခါ မျောက်အပေါင်းသည် ကန်ရေကို မသောက်ကြသေးဘဲ သူတို့၏ခေါင်းဆောင် ဘုရားအလောင်းတော်မျောက်မင်းအလာကို စောင့်မျှော်နေကြပါသည်။ မျောက်မင်းရောက်ရှိလာသောအခါ ရေကန်၏ အခြေအနေကို စုံစမ်းပါသည်။ ရေကန်ထဲသို့ အဆင်းခြေရာသာမြင်ရပြီး အတက်ခြေရာ မမြင်ရသောကြောင့် “ဧကန္တ ဒီရေကန်သည် ဘီးလူးစောင့်သော ကန်ဖြစ်ရမည်” ဟုတွေးကာ ကန်ထဲသို့ မျောက်များကို မဆင်းခိုင်းခဲ့ပေ၊ သို့နှင့် ရေကန်စောင့်သော ဘီလူးသည် မျောက်များ မဆင်းလာသောကြောင့် နှလုံးမသာမယာဖြစ်ကာ ရေကို နှစ်ခြမ်းခွဲ၍ ကုန်းပေါ်တက်လာပြီး မျောက်များအား“ဘာပြုလို့များ ရေကန်ထဲမဆင်းရတာလဲ” ဟုမေးရာ “ကျုပ်တို့ဆင်းရင် သင်စားတာခံရလိမ့်မယ် ဒါကြောင့် ကျုပ်တို့ ကန်ထဲမဆင်းခြင်းဖြစ်ပါတယ်” ဟုမျောက်မင်းက ပြန်ဖြေသောအခါ ဘီလူးက “ရေကန်ထဲဆင်းလာတဲ့သတ္တ၀ါမှန်သမျှ တစ်ကောင်မှ အလွတ်မပေးခဲ့ဖူးဘူး၊သင်တို့ဆင်းရင်လည်း စားရမှာပဲ” ဟုပြောရာ အသင် ဘီလူးမစားနိုင်အောင် ကျုပ်တို့ ရေကန်ထဲမဆင်းဘဲ ရေကို သောက်နိုင်အောင် ကြိုးစားမယ်” ဟုဆိုကာ ဖြည့်ကျင့်ခဲ့သော ပါရမီသစ္စာအဓိဋ္ဌာန်ဖြင့် သစ္စာဆိုကာ ရေကန်အနီး အဆစ်ပါသည့် ကျုရိုးကို ယူ၍ ပါးစပ်ဖြင့် မှုတ်ထုတ်လိုက်ရာ ကျုရိုးအတွင်း၌ အဆစ်မရှိတော့ပဲ တစ်ပေါက်တည်းဖြစ်သွားရလေတော့သည်။ ဤသို့ဖြင့် မျောက်အပေါင်းတို့သည် ကျူရိုးတို့နှင့် ကုန်းပေါ်ကနေ၍ ကန်ထဲရှိရေကို သောက်သုံးကြရသည့်အပြင် ဘီလူးစားမည့် အန္တရာယ်မှလည်း လွတ်ကင်းခဲ့ပါသည်။
ထိုအချိန်မှစ၍ ဒကရက္ခဘီလူးစောင့်သော ရေကန်အနီးမှ ကျူပင် ကျူရိုးတို့သည် ဤဘဒ္ဒကမ္ဘာပတ်လုံး အဆစ်မပါ အခေါင်းတစ်ခုတည်း တည်ရှိကြပါသည်။
ကမ္ဘာတည်သ၍ တည်ရှိမည့် ကပ္ပဋ္ဌိတိ လေးမျိုးကို ဤနေရာတွင် ဗဟုဿုတအလို့ငှါ ဖေါ်ပြပေးလိုပါသည်။ ထိုလေးမျိုးမှာ-
(၁)။ လဗိမာန်၌ သိကြားမင်း နှိပ်ခဲ့သည့် ယုန်ရိပ်သည် ဤကမ္ဘာပတ်လုံး တည်နေမည်။
(၂)။ ဘုရားအလောင်းငုံးမင်း သစ္စာပြုရာအရပ်တွင် တစ်ကမ္ဘာပတ်လုံး မီးမလောင်ပေ။
(၃)။ ဃဋိကာရအိုးထိန်းသည်နှင့် မိ+ဘတို့နေသည့် အိမ်နေရာတွင် ဤကမ္ဘာပတ်လုံး မိုး ဘယ်လောက်ရွာရွာ မိုးမစိုပေ။(အကျယ်ကို တုနှိုင်းမမီ ၁၀)တွင်ဖေါ်ပြပြီး။
(၄)။ ဒကရက္ခဘီလူးစောင့်သော ရေကန်ကို ၀န်းရံ၍ ပေါက်နေသောကျူရိုးတို့သည် တစ်ခုတည်းသော အပေါက်ရှိခြင်း တို့ဖြစ်ပါသည်။
သစ္စာအရသာ၏ အစွမ်းထက်မြက်မှုသည် ယခင်ကသာမဟုတ်သေး ယခုမကြာသေးမီ အင်းဝခေတ်အတွင်းတွင် သစ္စာနှင့်ပတ် သက်၍ ထင်ရှားသော သမိုင်းမှတ်တိုင်တစ်ခု ရှိခဲ့ဖူးပါသည်။ စိတ်ဝင်စားဖွယ်ရာ ကောင်းလွန်းလှ၍ တင်ပြပါဦးမည်။
အင်းဝခေတ် သာလွန်မင်းတရားကြီးလက်ထက်တွင် တောင်ဖီလာဆရာတော် ဟူ၍ ထင်ရှားပေါ်ထွန်းခဲ့ဖူးပါသည်။ ထိုမထေရ်သည် တောင်ဖီလာတောရ၌ သီတင်းသုံးတော်မူစဉ် စစ်ကိုင်း၊ပင်းယ၊ အင်းဝ တစ်ကြောတွင် ထိုအချိန်က မိုးအလွန်ခေါင်ကာ အစာရေစာများ ငတ်ပြတ်ခဲ့ကြသောကြောင့် ထိုနယ်တစ်ဝိုက်တွင် မကောင်းမှုဒုစရိုက်များ အလွန်ပေါများနေသည့်အတွက် အချိန်မတော် သွားလာရဲသူ မရှိသလောက်ပါပေ။
တစ်နေ့ နေ၀င်ရီတယောအချိန် အကာလအခါမဲ့တွင် ဆံပင်ဖားလျားချဖြင့် ၀တ်ထားသော အ၀တ်များ စုတ်ပြတ်ကာ ဒုက္ခအပူမီးများတောက်လောင်နေသော ဒကာမတစ်ဦး ဆရာတော်ထံ ရောက်ရှိလာပါသည်။ သူမက လမ်းခရီးတွင် ဒုက္ခဖြစ်လာသောကြောင့် ကျောင်းတွင် တစ်ညတာ တည်းခိုခွင့်ပြုပါရန် လျှောက်ထားသောအခါ ဆရာတော်သည် မာတုဂါမနှင့် တစ်ညတာ အတူနေမည့်အရေးကို ၀ိနည်းတော်အရ အလွန်ဝန်လေးသော်လည်း ဒုက္ခဖြစ်သူကို နှင်လွတ်ရန်မှာလည်း ခက်နေသည်ဖြစ်၍ ကျောင်းတွင် မာတုဂါမနှင့် တစ်မိုးတစ်ယံတည်းတွင် အတူနေ၍ မဖြစ်နိုင်ကြောင်း ပြောသောအခါ သူမ၏ အားကိုးလွန်းသော မျက်နှာကို တွေ့မြင်ရသောကြောင့် မတတ်သာဘဲ ကျောင်း၏ အပြင်ဘက် စကြန်တွင် တစ်ညတာ နေခွင့်ပြုလိုက်ပေသည်။ ညအချိန်တွင် ဆရာတော်သည် တစ်မိုးတစ်ယံတည်းဖြစ်နေ၍ လုံးဝမအိပ်ဘဲ သူမကြောင့် ငါသည် ဘာဝနာအလုပ်ကို ညလုံးပေါက် ရှုမှတ်ရပေသည် ဟု တွေးကာ တစ်ညလုံး တရားရှုမှတ်နေလေတော့သည်။(သူတော်ကောင်းကြီးများ၏ စိတ်နေသဘောထားသည် အတုယူဖွယ်ကောင်းလေစွ)
မကြာမီ သူမသည် အပြင်ဘက်တွင် နေရသည်မှာ ကြောက်စရာကောင်းလှ၍ ကျောင်းခန်းအထဲတွင် နေခွင့်ပေးပါမည့်အကြောင်း အပြင်ကနေ ပိတ်ထားသော တံခါးကို လက်ဖြင့်ခေါက်ကာ သနားစဖွယ်အကူအညီတောင်းလာသောကြောင့် မတတ်သာရကား သူမအား ကျောင်းခမ်းအထဲသို့ ၀င်ခွင့်ပေးကာ ဆရာတော်သည် ကျောင်းအပြင်ဖက်တွင် တစ်ဖန်သီတင်းသုံးတော်မူပါ တော့သည်။ မနက်ပိုင်း မိုးသောက်ယံရောက်လုနီးနီးအချိန်သို့ ရောက်သောအခါ သူမသည် ဆရာတော်အနည်းသို့ကပ်ကာ ယခုပင် ခြေသလုံးကို သိုင်းဖက်တော့မည်ဟန်ဖြင့် “ကယ်တော်မူပါ” ဟုသနားစဖွယ်တောင်းပန်နေပြန်သောကြောင့် ဆရာတော်သည် အကြံရကာကျောင်းနံရံတွင် ထိုးစိုက်ထားသည့် ဒန်ပူသတ်သည့် ဓါးမကိုယူကာ သူ့ခြေသလုံးကို ဓါးဖြင့် မွန်းပါလေတော့သည်။ ခြေသလုံးတွင် သွေးများဖြာထွက်လာသည်ကို မြင်ရသောအခါတွင်မှ “ ဆရာတော်ဘုရား…..တပည့်တော်မ မှားပါပြီဘုရား၊ ထိုအမှုကိစ္စအတွက် ခွင့်လွတ်တော်မူပါဘုရား” ဟု လျှောက်ကာ မနက်လင်းသည်နှင့် သူမထွက်ခွါသွားပါလေတော့သည်။
သူမသည် မင်းသမီးတစ်ယောက်ဖြစ်ကာ ရှင်ဘုရင်ထံရောက်လျှင် “ မှန်လှပါဘုရား……..အရှင်မင်းကြီး စေခိုင်းသည့်အတိုင်း ဆရာတော်၏ အကျင့်သီလကို တပည့်တော်မ ဖျက်ဆီးခဲ့ပါပြီဘုရား” ဟု ကြောက်လှသောကြောင့် အမှန်အတိုင်းမပြောဘဲ လိမ်လည်၍ လျှောက်တင်လေတော့သည်။ ထိုသတင်းသည် တစ်ခဏချင်း လျှင်မြန်စွာ တောမီးပမာပျံ့နှံ့သွားလေရာ မကြာမီ မင်းကြီးသည် နောက်ပါ မူးကြီးမတ်ရာ မောင်းမမိဿံများနှင့်အတူ အလှူပေးလေဟန် ပြုကာ ဆရာတော်ကျောင်းအနီးသို့ ရောက်ရှိလာပါတော့သည်။ သို့နှင့် ဆရာတော်သည် ရောက်ရှိလာသော ပရိသတ်များ၏ သံသယကို ဖြေဖျောက်နိုင်ရန် “ယခုအချိန်တွင် ငါ့အား သစ္စာမှတစ်ပါးအခြား အားကိုးစရာဟူ၍ မရှိတော့”ဟု တွေးကာ “ ငါ၏ သီလပျက်စီးခဲ့ပါမူ ဤဓါးမသည် ချသောခဏတွင် ရေ၌ မြုပ်ပါစေသား၊ သီလစင်ကြယ်ပါမူ ဓါးမသည် ရေပေါ်တွင် ကူးစေသား” ဟု သစ္စာအဓိဋ္ဌာန်ပြု၍ ဓါးမကို ရေတွင်ချလိုက်ရာ ဓါးမသည် လူစကားနားလည်သည့်ပမာ ရေပေါ်တွင်ပေါ်ကာ ငါးတစ် ကောင်ကဲ့သို့ ကူးခတ်သွားလေတော့သည်။ ယခုအချိန်အထိ တောင်ဖီလာတောရအနီးတွင် ဓါးမကူးကန် ဟူ၍ ရှိနေပေသေးသည်။ ဆရာတော်၏ သစ္စာအစွမ်းထက်ပုံမှာ အံ့မခမ်းရုံမျှမက မည်သည့်အရာနှင့်မျှလည်း တုနှိုင်း၍မမီနိုင်ပါချေ။ ဤသို့ဖြင့် တုနှိုင်းမမီသစ္စာအရသာ၏ အစွမ်းပကားကား ထူးဆန်းအံ့သြဘွယ်ရာ ကောင်းလှပေသည်။
ထို့အတူ ဓမ္မအင်ပါယာကြီးတွင်လည်း မြတ်ဗုဒ္ဓ ထုတ်ဖေါ်တော်မူခဲ့သော တုနှိုင်းမမီ ဓမ္မသစ္စာတရားများလည်း ယခုထက်တိုင် ထင်ရှားရှိနေဆဲဖြစ်သည်။ ဓမ္မသစ္စာတရားများအား အမှန်တကယ် ဓမ္မကို အသုံးပြုသူတိုင်း တွေ့မြင်ခဲ့ကြသည်မှာ ယခုထိတိုင်ပင် ဖြစ်ပါသည်။
ဓမ္မသစ္စာတရား၏ အဓိပ္ပါယ်မှာ သဘာဝအမှန်တရားဖြစ်၏။ ထိုတရားများသည် ဤကမ္ဘာတွင်မက ရှေးကမ္ဘာများစွာကတည်းက ရှိနှင့်နေပြီးဖြစ်သည့်အပြင် ထိုတရားတို့သည် မည်သည့်အခါမျှ ဟောင်းနွမ်းသွားသည်ဟူ၍ မရှိဘဲ အမြဲတမ်း သစ်လွင်တောက်ပနေသည့်အပြင် မည့်သည့်အခါမျှ update လုပ်စရာမလိုပေ။
ကမ္ဘာအဆက်ဆက် မြတ်ဗုဒ္ဓဘုရားရှင်တို့၏ ကြိုးပမ်းတော်မူချက်ဖြင့် ပြန်လည်ဖေါ်ထုတ်တော်မူခဲ့ကြကာ ဤယခုအခါတွင်လည်း ဂေါတမမြတ်စွာဘုရားရှင်က ပြန်လည်ဖေါ်ထုတ်တော်မူခဲ့သဖြင့် ယခုလို လူနတ်ဗြဟ္မာများသိခွင့်ရနေကြပေသည်။ သိခွင့်ရသည်နှင့်အမျှ ဆင်းရဲအဆုံးသို့ရောက်ရှိကာ လောကမှ ထွက်မြောက်တော်မူခဲ့ကြသည့် သူတော်ကောင်းကြီးများ၏ အရေအတွက်သည်လည်း မနည်းလှတော့ပေ။ ထိုကြောင့် လောကလူသားများအတွက် တကယ့် တုနှိုင်းမမီ သဘာဝအမှန်တရား ဟုပြောလျှင် မှားနိုင်မည်မထင်ပေ။ ထိုသဘာဝအမှန်တရားကား အရေအတွက်အားဖြင့် လေးမျိုးရှိပါသည်။
(၁) ဆင်းရဲခြင်း အမှန်တရား၊
ထိုသစ္စာတရားကို သိရန်အတွက် ဦးစွာ မိမိရရှိထားသည့် ဘ၀ခန္ဓာကို မိမိကိုယ်တိုင် သုတေသနပြုလုပ်ကာ သဘာဝ တရားများကို တွေ့မြင်ရန် လေ့လာရပါသည်။ ဤသည်ကိုပင် တရားအားထုတ်သည်ဟုခေါ်ကြပါသည်။ ယောဂီသည် တရားရှုမှတ်မှု အချိန်ကာလ ကြာလာသောအခါ ရှုသိစရာအာရုံနှင့် ထိုအာရုံကိုရှုသိသောစိတ် ဤအရာနှစ်ခုမှတစ်ပါး မည်သည့်အရာကိုမျှ မတွေ့ ရပေ၊ သွားသည့်အခါတွင် သွားသည့်အာရုံနှင့် ထိုအာရုံအပေါ်သိစိတ်၊ ထိုင်သည့်အခါတွင် ထိုင်သည့်အာရုံနှင့် ထိုင်သိစိတ်၊ ရပ်သည့်အခါတွင်လည်း ရပ်သည့်အာရုံနှင့်ရပ်သည့်စိတ်၊လျောင်းသည့်အခါတွင်လည်း လျောင်းသည့်အာရုံနှင့်လျောင်းသိစိတ်၊ စားသည့်အခါတွင် စားသည့်အာရုံနှင့်စားသိစိတ်၊ မြင်သိအခါတွင်မြင်သည့်အာရုံနှင့်မြင်သိစိတ်၊ ကြားသည့်အခါတွင် ကြားသည့်အာရုံနှင့်ကြားသိစိတ်၊ မည်သည့်အချိန်မှာပင်ဖြစ်စေ ရှုသိစရာအာရုံနှင့် ထိုအာရုံအပေါ်ရှုသိစိတ် ဤနှစ်မျိုးမှလွဲ၍ ငါ၊သူတစ်ပါး၊ယောင်္ကျား၊မိန်းမဟူ၍ မရှိပေ၊ ဤတွင် ရှုသိစရာအာရုံကား ရုပ်တရားဖြစ်ပြီး၊ ရှုသိစိတ်က နာမ်တရားဖြစ်ပါသည်။ ထိုရုပ်နာမ်တရားကိုပင် ဘ၀ ဟုခေါ်ကြပါသည်။ ထိုအမှတဆင့် ရှုမှတ်မှုအား မြင့်တက်လာသောအခါ ဖြစ်ပေါ်လာသော အာရုံမှန်သမျှကို ရှုမှတ်နေသော ယောဂီမှာ အာရုံတည်းဟူသော အကြောင်းတရားကြောင့် ရှုသိစိတ် ဟူသည့် အကျိုးတရားဖြစ်ပေါ်လာရတာပဲ ဟု ရုပ်နာမ်ကြောင်းကျိုးကို ရှုသိဆဲတွင် သိမြင်လာရပေသည်။(စဉ်းစားတွေးတော၍ သိသည့် သုတမယဥာဏ်မဟုတ်သည်ကို သတိပြုပါ)။
ထိုမှတစ်ဆင့် ရှုမှတ်မှုစွမ်းရည် မြင့်မားလာသောအခါ ရုပ်နာမ်တရားတို့၏ အစ၊အလယ်၊အဆုံး သုံးပါးလုံးကို တွေ့မြင်လာကာ ဖြစ်ပေါ်သမျှသည် ကုန်သွားသည်ချည်းဖြစ်၍ မည်သည့်အရာမျှ မတည်မြဲခြင်း၊ ပေါ်ပြီးနောက်ပျောက်နေသည့်အတွက် ဆင်းရဲခြင်း၊ သူ့အလိုလိုပေါ်ပြီး သူ့အလိုလိုပျောက်သွားသည့်အတွက် ကိုယ့်အလိုသို့မလိုက်ခြင်း ဟု သိမြင်ရာကနေ ရုပ်နာမ်သဘာဝတရားများသည် မပြတ်ဒလပ်စပ် ဖြစ်ပျက်နေရာ မည်သည့်အခါတွင် ရပ်စဲသွားမည်ကို မသိနိုင်ပေ ။ ယောဂီသည် ရုပ်နာမ်တရားတို့၏ မပြတ်ဖြစ်ပျက်မှုကို များများသိမြင်လေလေ ဘ၀ဆင်းရဲကို သိမြင်လေလေဖြစ်ပေသည်။ ထိုဘ၀ဆင်းရဲခြင်းအမှန်တရားသည် ရုပ်နာမ်တရားတို့၏ မပြတ်ဖြစ်ပျက်မှုပင်ဖြစ်ပေတော့သည်။ ဘ၀ဆင်းရဲမှုကို များများသိမြင်လေလေ ဆင်းရဲခြင်းမှ လွတ်ဖို့ရာနီးလေလေ ဖြစ်သောကြောင့် ဆင်းရဲသည့် သဘာဝအမှန်တရားကို သိချင်သပဆိုလျှင် တရားရှုမှတ်ခြင်းဖြင့် ဘ၀ကို ဓမ္မဖြင့် သုတေသနပြုရမည်ဟု သတိချပ်သင့်ပေသည်။
၂။ ဆင်းရဲကြောင်းအမှန်တရား
ဆင်းရဲကြောင်းတရားဆိုသည်မှာ ဘ၀ခန္ဓာအသစ်ဖြစ်ပေါ်ကြောင်း သမုဒယတဏှာ ပင်ဖြစ်၏ “ယာယံ တဏှာ ပေါနောဗ္ဘ၀ိကာ” တဏှာ လောဘတရားသည် ဘ၀အသစ်ကို တစ်ဖန်ဖြစ်စေတတ်၏ ဟုပြဆိုထားရာ ဘ၀ခန္ဓာအသစ်ဖြစ်ကြောင်း ဆင်းရဲကြောင်းအမှန်တရားမှာ တဏှာလောဘ ပင်ဖြစ်ပါသည်၊ ထိုလောဘကိုပင်လျှင် သမုဒယသစ္စာ ဆင်းရဲကြောင်းအမှန်တရားဟုခေါ်ပါ သည်။
၃။ ဆင်းရဲချူပ်ခြင်းအမှန်တရား
ဆင်းရဲဖြစ်ကြောင်း တဏှာတရားကို ဓမ္မနှင့် ပယ်သတ်ခြင်းဖြင့် တဏှာချူပ်လျှင် ဆင်းရဲချူပ်ငြိမ်းသည် ။ ဤသည်ကိုပင် နိရောဓ သစ္စာ ဆင်းရဲချူပ်ခြင်းအမှန်တရားဟု ခေါ်ပါသည်။
၎။ ဆင်းရဲချုပ်ကြောင်းအမှန်တရား
ထိုအမှန်တရားကား ဆင်းရဲ ချူပ်ငြိမ်းကြောင်းဖြစ်သည့် ပုဗ္ဗဘာဂပဋိပဒါ မဂ္ဂင်ကို ခေါ်ပါသည်၊ ပုဗ္ဗဘာဂ- မဂ်၏ရှေးအဖို့၊ ပဋိပဒါ -ကျင့်ရမည့်၊ မဂ္ဂ-လမ်းဖြစ်သည်။ မဂ်၏ရှေးအဖို့ ကျင့်ရမည့် အကျင့်တရားမှာ မဂ္ဂင်(၈)ပါး အကျင့်တရား ဖြစ်ပါသည်။ ထိုမဂ္ဂင်(၈)ပါး အကျင့်တရားကို မည်သို့ အသုံးပြုမည်နည်း။ အသုံးပြုပုံကား သတိပဋ္ဌာန်တရားကို လက်တွေ့ကျင့်သုံးခြင်းပင်ဖြစ်ပါသည်။ ဤနေရာ၌ အကျဉ်းချူံးကာ နားလည်လောက်ရုံမျှ ဖေါ်ပြပေးပါမည်။
ယောဂီသည် တရားရှုမှတ်မည်ကြံသောအခါ လူဆိုလျှင် ငါးပါး၊ရှစ်ပါး၊သီလဆောက်တည်ရသကဲ့သို့၊ သာမဏေဆိုလျှင် သာမဏေသီလ၊ရဟန်းဆိုလျှင် ရဟန်းသီလ လုံခြုံအောင် စောင့်ထိန်းကြရပါမည်။ ထိုစောင့်ထိန်းသော သီလတရားများသည် သီလမဂ္ဂင်မည်၏။
ယောဂီသည် ရှုမှတ်ရမည့် အာရုံထင်ရှားဖြစ်ပေါ်လာသောအခါ ထိုအာရုံကို ရှုမှတ်နိုင်စေရန် ကြောင့်ကြစိုက်ပေးခြင်းသည် သမ္မာဝါယာမ မဂ္ဂင်မည်၏၊ အာရုံပေါ်တိုင်း အမှတ်ရနေခြင်းသည် သမ္မာသတိမဂ္ဂင် မည်၏။ အာရုံအပေါ်တွင် ရှုသိစိတ်ကပ်၍ တည်နေခြင်း သည် သမ္မာသမာဓိမဂ္ဂင် မည်၏၊ ဤကား သမာဓိမဂ္ဂင်သုံးပါးဖြစ်ပါသည်။
တရားရှုမှတ်သောအခါ ရှုမှတ်စိတ်ကို အာရုံပေါ်သို့ ရောက်အောင် တင်ပေးရပါသည်၊ ဤသည်ကိုပင် သမ္မာသင်္ကပ္ပမဂ္ဂင် ဟုခေါ်၏။ အာရုံနှင့်ရှုသိစိတ်တွေ့ဆုံတိုင်း အမှန်အတိုင်းသိတာက သမ္မာဒိဋ္ဌိမဂ္ဂင်မည်၏။
အချူပ်ဆိုရသော် သတိပဋ္ဌာန်တရားပွားများခြင်းသည်ပင်လျှင် မဂ္ဂင်ရှစ်ပါးအကျင့်ဟုခေါ်ပါသည်။ ထိုအကျင့်တရားများကို ကျင့်သုံးခြင်းဖြင့် သဘာဝအမှန်တရားများကို အဆင့်ဆင့် သိမြင်မျက်မှောက်ပြုကာ လောကအဆုံး(ဆင်းရဲအဆုံး)ကို ရောက်ကြရသော ကြောင့် သဘာဝအမှန်တရားဆိုသည့် အရိယာသစ္စာတရားသည် သစ္စာတရားမှန်သမျှတို့တွင် တုနှိုင်းမမီသော သစ္စာတရားဖြစ်ကြောင်း တင်ပြရေးသားလိုက်ရပါတော့သတည်း။
ကတန်ကျွန်းသည် မြိတ်ကျွန်းပေါင်း (၈၀၀)ခန့်ရှိသည့်အနက် အလျား(၁၈)မိုင်၊ အနံ(၁၂)မိုင် ရှိသည့် အကြီးမားဆုံးသော ကျွန်းဖြစ်သောကြောင့် ထိုကတန်ကျွန်းကို ကျွန်းဘုရင် ဟု ခေါ်ကြသကဲ့သို့ ကျွန်းစု ဟုလည်း ခေါ်ခဲ့ကြပေသည်။ ယခုအခါ ထိုကတန်ကျွန်းကြီးတွင် ရွာပေါင်း (၂၀)ခန့်ရှိပြီး ကတန်ကျွန်းကို မူတည်၍ ကျွန်းစုမြို့နယ်ဟု ခေါ် ကြပါသည်။ ထိုကျွန်းစုမြို့နယ်အတွင်း ထိန်းချောင်းအမည်ရှိ ကျေးရွာတစ်ရွာလည်းရှိပေသည်။ ထိုရွာတွင် အောင်တော်မူသာသနာ့ရိပ်သာ ရွာဦးဘုန်းတော်ကြီးကျောင်း၌ နှစ်စဉ်နှစ်တိုင်း ကဆုန်လပြည့်နေ့တွင် ပျားရည်ဆွမ်းလောင်းလှူလာခဲ့ကြရာ (၁၉၅၈)ခုနှစ်မှသည် (၂၀၀၈)ခုနှစ်အထိ နှစ်ငါးဆယ်တိုင်ခဲ့ပြီ ဖြစ်သောကြောင့် ယခုအခါ နှစ်ငါးဆယ် ရွှေရတု အထိမ်းအမှတ်ဖြင့် ပျားရည်ဆွမ်းလောင်းလှူပွဲ ကို စည်းကားသိုက်မြိုက်စွာကျင်းပခဲ့ပါသည်။ ထိုပွဲတွင် ပျားရည်လာရောက်အလှူခံတော်မူကြသော သံဃာတော်များမှာ (၁၃၀)ပါး အရေအတွက်ရှိပြီး၊ သီလရှင်များမှာ (၄၀)ခန့် ၊ စုစုပေါင်း (၁၇၀)ခန့် ရှိပါသည် ။ ထိုပွဲတွင် ပတ်ဝန်းကျင်မှ ရွာများဖြစ်ကြသော ကတ္တလူရွာ၊ မရမ်းချောင်းရွာ၊မအိုင်ရွာ၊ ပန်းဆွတ်ရွာ၊ ရေခပ်ဆိပ်ရွာ၊ ဆားဖိုရွာ၊ သန္တာကျွန်း(ယခင်ကုလားကျွန်း)၊ကျွန်းစုမြို့တို့မှ စေတနာရှင်များက ပျားရည်ဆွမ်းလာ ရောက်လောင်းလှူကြကြောင်း သိရှိရပါသည်။
